ഐപിഎല്ലിൽ സഞ്ജു സാംസണിൻറെ വെടിക്കെട്ട് സെഞ്ച്വറിയുടെ ആവേശത്തിൽ ചെന്നൈ സൂപ്പർ കിംഗ്‌സ് ഇന്ന് കൊൽക്കത്ത നൈറ്റ് റൈഡേഴ്‌സിനെ നേരിടാനിറങ്ങുന്നു.

തുടർ തോൽവികൾക്ക് ശേഷം സഞ്ജുവിൻറെ സെഞ്ചുറി കരുത്തിൽ ഡൽഹിക്കെതിരെ നേടിയ തകർപ്പൻ ജയം സിഎസ്‌കെയ്ക്ക് വലിയ ആത്മവിശ്വാസമാണ് നൽകുന്നത്.

മറുവശത്ത്, കളിച്ച മത്സരങ്ങളിലെല്ലാം പരാജയപ്പെട്ട് പോയിൻറ് പട്ടികയിൽ അവസാന സ്ഥാനത്തുള്ള കൊൽക്കത്ത സീസണിലെ ആദ്യ ജയം തേടിയാണ് ചെപ്പോക്കിലിറങ്ങുന്നത്. ചെപ്പോക്കിലെ കറുത്ത കളി മണ്ണിൽ തീർത്ത പിച്ചിൽ മറ്റൊരു ബാറ്റിംഗ് പൂരമാണ് ആരാധകർ പ്രതീക്ഷിക്കുന്നത്.

സിഎസ്‌കെ ജേഴ്സിയിൽ തൻറെ ആദ്യ സെഞ്ച്വറി കുറിച്ച സഞ്ജു സാംസൺ ഇന്നും ബാറ്റിംഗിൽ വെടിക്കെട്ട് തുടരുമോ എന്ന് ആരാധകർ ഉറ്റുനോക്കുന്നു.

കൊൽക്കത്തയുടെ സുനിൽ നരെയ്‌നെതിരെ സഞ്ജുവിന് അത്ര മികച്ച റെക്കോർഡല്ല ഉള്ളത്. അതുകൊണ്ട് തന്നെ സഞ്ജുവിനെ തുടക്കത്തിലെ പൂട്ടാൻ കൊൽക്കത്ത പവർ പ്ലേയിൽ തന്നെ നരെയ്‌നെ പരീക്ഷിച്ചേക്കുമെന്നാണ് കരുതുന്നത്. കഴിഞ്ഞ മത്സരങ്ങളിലേതുപോലെ പേസർമാർക്ക് പിച്ചിൽ നിന്ന് തുടക്കത്തിൽ നേരിയ സഹായം കിട്ടിയേക്കാം.