നിയമഭേദഗതി അനിവാര്യമെന്നു സര്‍ക്കാര്‍.... എല്ലാ മതവിഭാഗങ്ങളിലും പെട്ട സ്ത്രീകളുടെ നിയമാനുസൃത വിവാഹ പ്രായം 21 വയസ്സായി ഉയര്‍ത്തുന്ന നിയമഭേദഗതി ബില്‍ തിടുക്കത്തില്‍ ലോക്‌സഭയില്‍ അവതരിപ്പിച്ച് സര്‍ക്കാര്‍..... വിവാഹപ്രായ ഏകീകരണബില്‍ സ്റ്റാന്‍ഡിംഗ് കമ്മിറ്റിക്ക് വിട്ടു, ചര്‍ച്ചയ്ക്ക് അവസരമില്ല, പകര്‍പ്പ് കീറിയെറിഞ്ഞ് പ്രതിപക്ഷം
നിയമഭേദഗതി അനിവാര്യമെന്നു സര്‍ക്കാര്‍.... എല്ലാ മതവിഭാഗങ്ങളിലും പെട്ട സ്ത്രീകളുടെ നിയമാനുസൃത വിവാഹ പ്രായം 21 വയസ്സായി ഉയര്‍ത്തുന്ന നിയമഭേദഗതി ബില്‍ തിടുക്കത്തില്‍ ലോക്‌സഭയില്‍ അവതരിപ്പിച്ച് സര്‍ക്കാര്‍..... വിവാഹപ്രായ ഏകീകരണബില്‍ സ്റ്റാന്‍ഡിംഗ് കമ്മിറ്റിക്ക് വിട്ടു, ചര്‍ച്ചയ്ക്ക് അവസരമില്ല, പകര്‍പ്പ് കീറിയെറിഞ്ഞ് പ്രതിപക്ഷം.
ലോക്‌സഭയില്‍ പെണ്‍കുട്ടികളുടെ വിവാഹ പ്രായം 21ആയി ഉയര്‍ത്താനുള്ള ശൈശവ വിവാഹ നിരോധന നിയമ ഭേദഗതി ബില്‍ തികച്ചും നാടകീയമായി അവതരിപ്പിച്ച സര്‍ക്കാര്‍, പ്രതിപക്ഷ രോഷപ്രകടനത്തിനിടെ വിശദ പരിശോധനയ്ക്ക് വനിതാ ശിശുക്ഷേമ വകുപ്പിന്റെ സ്റ്റാന്‍ഡിംഗ് കമ്മിറ്റിക്ക് വിട്ടു.
ബില്ലിനോടുള്ള വിയോജിപ്പും മുന്‍കൂട്ടി അറിയിക്കാതെ അജന്‍ഡയില്‍ ഉള്‍പ്പെടുത്തിയതിലുള്ള രോഷവും പ്രകടിപ്പിച്ച പ്രതിപക്ഷം നടുത്തളത്തില്‍ ബഹളം വയ്ക്കുകയും ഒരംഗം ബില്‍ വലിച്ചു കീറുകയും ചെയ്തു. വ്യാപക എതിര്‍പ്പുയര്‍ന്നതിനാല്‍ ബില്‍ നടപ്പു സമ്മേളനത്തില്‍ അവതരിപ്പിച്ചേക്കില്ലെന്ന സൂചന നല്‍കിയ ശേഷം ഇന്നലെ ഉച്ചയ്ക്ക് പൊടുന്നനെ അധിക അജന്‍ഡയായി ചേര്‍ക്കുകയായിരുന്നു.
എം.പിമാരുടെ സസ്പെന്‍ഷന്‍, കേന്ദ്രമന്ത്രി അജയ് മിശ്രയുടെ രാജി എന്നിവയുയര്‍ത്തി പ്രതിപക്ഷം പുറത്ത് പ്രതിഷേധിക്കുമ്പോള്‍ ബില്‍ ലോക്സഭാ സൈറ്റില്‍ അപ്ലോഡ് ചെയ്തു.
ബഹളം കാരണം രാവിലെ പിരിഞ്ഞ സഭ രണ്ടിന് ചേര്‍ന്നയുടന്‍ സഭ നിയന്ത്രിച്ച രാജേന്ദ്ര അഗ്രവാള്‍ മന്ത്രി സ്മൃതി ഇറാനിയെ ബില്‍ അവതരിപ്പിക്കാന്‍ ക്ഷണിച്ചു. സ്റ്റാന്‍ഡിംഗ് കമ്മിറ്റിക്ക് വിടണമെന്നും വിശദ ചര്‍ച്ച വേണമെന്നും ആവശ്യപ്പെട്ട് പ്രതിപക്ഷം തടസപ്പെടുത്താന്‍ പരമാവധി ശ്രമിച്ചു. ഒടുവില്‍ സ്റ്റാന്‍ഡിംഗ് കമ്മിറ്റിക്ക് വിടാന്‍ സ്മൃതി ഇറാനി ശുപാര്‍ശ ചെയ്യുകയായിരുന്നു.
വിവാഹപ്രായം പരാമര്‍ശിക്കുന്ന ഏഴ് നിയമങ്ങളും ഭേദഗതി ചെയ്യും. മുസ്‌ളിം എതിര്‍പ്പു കാരണം മുസ്‌ളിംവ്യക്തി നിയമം (ശരിഅത്ത്) ഭേദഗതി ചെയ്യില്ല.
21 വയസു തികയാത്ത ആണും പെണ്ണും കുട്ടികളായിരിക്കും, മറ്റ് വിവാഹ നിയമങ്ങള്‍ക്കും ആചാരാനുഷ്ഠാനങ്ങള്‍ക്കും അതീതമാണ് ,ബില്‍ രാഷ്ട്രപതി ഒപ്പിട്ട് നിയമമായാലും എല്ലാവര്‍ക്കും പൊരുത്തപ്പെടാന്‍ രണ്ടു വര്‍ഷം വേണ്ടിവരും ഇതെല്ലാം നിയമത്തിന് അതീതമാണ്.
1. ഇന്ത്യന്‍ ക്രിസ്ത്യന്‍ മാര്യേജ് ആക്ട്, 18722. പാര്‍സി മാര്യേജ് ആന്‍ഡ് ഡൈവോഴ്‌സ് ആക്ട്, 19363. സ്പെഷ്യല്‍ മാര്യേജ് ആക്ട്, 19544. ഹിന്ദു മാര്യേജ് ആക്ട്, 19555. ഹിന്ദു മൈനോറിറ്റി ആന്‍ഡ് ഗാര്‍ഡിയന്‍ഷിപ്പ് ആക്ട്, 19566. ഹിന്ദു ദത്ത് നിയമം, 19567. ഫോറിന്‍ മാര്യേജ് ആക്ട്, 1969 എന്നിവയാണ് ഭേദഗതി ചെയ്യുന്നവ.
"
https://www.facebook.com/Malayalivartha
