ഭാര്യ വരാന് 'ശുഭ മുഹൂര്'ത്തിനായി ഭര്ത്താവ് കാത്തിരുന്നത് 10 വര്ഷം ! ആചാരപ്രകാരം തന്നെ തിരികെ കൊണ്ടുപോകുന്നതില് ഭര്ത്താവ് പരാജയപ്പെട്ടെന്ന് ഭാര്യ; ഒടുവില് വിവാഹമോചനം അനുവദിച്ച് കോടതി
ഭര്ത്താവിന്റെ വീട്ടിലേക്ക് മടങ്ങാന് ശുഭമുഹൂര്ത്തിനായി കാത്തിരുന്ന് പത്ത് വര്ഷത്തോളം ദാമ്പത്യ ജീവിതത്തില് നിന്ന് വിട്ടുനിന്ന ഭാര്യയില് നിന്ന് ഭര്ത്താവിന് ഛത്തീസ്ഗഡ് ഹൈക്കോടതി വിവാഹമോചനം അനുവദിച്ചു. ഹിന്ദു വിവാഹ നിയമപ്രകാരം വിവാഹമോചന ഉത്തരവിലൂടെ വിവാഹബന്ധം വേര്പെടുത്താന് കോടതി ഉത്തരവിട്ടു.
2010 ജൂലൈയിലാണ് സന്തോഷ് സിങ് എന്നയാള് വിവാഹിതനായത്. എന്നാല് ഇയാള് ഭാര്യയ്ക്കൊപ്പം താമസിച്ചത് വെറും 11 ദിവസം മാത്രമാണ്. പിന്നീട് ചില പ്രധാന ജോലികളുണ്ടെന്ന് പറഞ്ഞ് വീട്ടുകാര് വന്ന് ഭാര്യയെ കൂട്ടിക്കൊണ്ടുപോയെന്ന് സന്തോഷ് ഹര്ജിയില് പറയുന്നു.
രണ്ടു തവണ ഭാര്യയെ തിരികെ കൊണ്ടുവരാന് ഭര്ത്താവ് സന്തോഷ് ശ്രമിച്ചെങ്കിലും മംഗളകരമായ സമയമല്ലെന്ന് പറഞ്ഞ് അവര് നിരസിക്കുകയായിരുന്നു. സന്തോഷ് പിന്നീട് വിവാഹാവകാശങ്ങള് പുനഃസ്ഥാപിക്കുന്നതിനായി ഒരു കേസ് ഫയല് ചെയ്തു.
ഭര്ത്താവിനൊപ്പം പോകാന് തയാറാണെന്നും എന്നാല് അവരുടെ ആചാരമനുസരിച്ച് ശുഭമുഹൂര്ത്തം ആരംഭിച്ചപ്പോള് തന്നെ തിരികെ കൊണ്ടുപോകാന് അദ്ദേഹം എത്തിയില്ലെന്നായിരുന്നു ഭാര്യയുടെ വാദം. താന് ഭര്ത്താവിനെ ഉപേക്ഷിച്ചിട്ടില്ലെന്നും നിലവിലുള്ള ആചാരപ്രകാരം തന്നെ തിരികെ കൊണ്ടുപോകുന്നതില് അദ്ദേഹം പരാജയപ്പെട്ടെന്നും ഭാര്യ വാദിച്ചു.
എന്നാല് ദാമ്പത്യാവകാശങ്ങള് പുനഃസ്ഥാപിക്കുന്നതിനുള്ള ഉത്തരവിനെ കുറിച്ച് അറിഞ്ഞിട്ടും ഭാര്യ വിവാഹജീവിതത്തിലേക്ക് കടക്കാന് തയാറായില്ലെന്ന് സന്തോഷിന്റെ അഭിഭാഷകന് പറഞ്ഞു.'ദുവിരാഗമന്' ചടങ്ങില് ഭര്ത്താവ് നേരിട്ട് വന്ന് ഭാര്യയെ തിരികെ കൊണ്ടുപോകണമെന്നായിരുന്നു
ഇരുവിഭാഗങ്ങള്ക്കുമിടയില് നിലനില്ക്കുന്ന ആചാരമെന്ന് ഭാര്യയുടെ അഭിഭാഷകന് വാദം നിരത്തി. പണ്ഡിതന്മാരുടെയും കുടുംബത്തിലെ മുതിര്ന്നവരുടെയും ഉപദേശപ്രകാരം ഭര്ത്താവ് അവളെ തിരികെ കൊണ്ടുപോകാന് വന്ന സമയം ശുഭകരമല്ലെന്നും തിരികെ കൊണ്ടുപോകാന് ഒരു പ്രത്യേക ശുഭ സമയത്ത് തിരികെ വരാന് ഉപദേശിച്ചുവെന്നും അഭിഭാഷകന് വാദിച്ചു.
ഭാര്യ ഉന്നയിക്കുന്ന ആചാരത്തിന്റെ വാദം വിചാരണ കോടതിയില് തെളിയിക്കപ്പെട്ടിട്ടില്ലെന്ന് നിരീക്ഷിച്ച ഹൈക്കോടതി വിവാഹമോചനം അനുവദിക്കുകയായിരുന്നു. സന്തുഷ്ട കുടുംബജീവിതത്തിനാണ് ശുഭമുഹൂര്ത്തം. എന്നാല് ഇവിടെ ഭാര്യ അവരുടെ ദാമ്പത്യം ആരംഭിക്കുന്നതിനുള്ള ഒരു തടസമായി ഇത് ഉപയോഗിച്ചതായി തോന്നുന്നു- ജസ്റ്റിസുമാരായ ഗൗതം ബദുരിയും രജനി ദുബെയും അടങ്ങുന്ന ഡിവിഷന് ബെഞ്ച് നിരീക്ഷിച്ചു.
വിവാഹമോചനത്തിനുള്ള തന്റെ ഹര്ജി തള്ളിയ കുടുംബകോടതി ഉത്തരവിനെ ചോദ്യം ചെയ്താണ് ഹരജിക്കാരനായ സന്തോഷ് സിങ് ഹൈക്കോടതിയെ സമീപിച്ചത്.
"
https://www.facebook.com/Malayalivartha