24 മണിക്കൂറിൽ ഒരു ലക്ഷത്തിലധികം രോഗികൾ; രാജ്യം വീണ്ടും അടച്ചുപൂട്ടലിലേക്ക്? കേരളത്തിലും ആശങ്ക ശക്തമാകുന്നു
രാജ്യത്ത് കോവിഡ് വ്യാപനം അതി രൂക്ഷമാകുകയാണ്. 24 മണിക്കൂറിനിടെ 117000 പേർക്ക് കൊവിഡ് സ്ഥിരീകരിച്ചു. കഴിഞ്ഞ ജൂൺ ആറിനു ശേഷമുള്ള ഏറ്റവും ഉയർന്ന സംഖ്യയാണിത്. മുംബൈയിൽ മാത്രം 20000 കേസുകൾ റിപ്പോർട്ട് ചെയ്തിട്ടുണ്ട്. സംസ്ഥാനങ്ങളിലെ ഉഗ്രവ്യാപനമാണ് കേസുകള് കുത്തനെ ഉയരാന് കാരണം. ഒമിക്രോണ് ബാധിതരുടെ എണ്ണവും കൂടുകയാണ്. തിരുവനന്തപുരവും എറണാകുളവുമടക്കം രാജ്യത്തെ പതിനഞ്ച് ജില്ലകളിലെമരോഗ വ്യാപനത്തില് ആരോഗ്യമന്ത്രാലയം ഉത്കണ്ഠ അറിയിച്ചിട്ടുണ്ട്. കര്ണാടകയില് 5031 പേര്ക്ക് കൂടി കൊവിഡ്. 4324 കേസുകളും ബംഗ്ലൂരുവിലാണ്. ടിപിആര് നാല് ശതമാനത്തിന് അടുത്തെത്തി. വാരാന്ത്യ കര്ഫ്യൂ നാളെ മുതൽ നടപ്പാക്കും. ബംഗ്ലൂരുവില് സ്കൂളുകള്ക്കും കോളേജുകള്ക്കും അവധി നല്കിയിരിക്കുകയാണ്. പൊതുഗതാഗതത്തിന് അടക്കം കടുത്ത നിയന്ത്രണമുണ്ട്. കേരളാ അതിര്ത്തികളില് പരിശോധന വര്ധിപ്പിച്ചിരിക്കുകയാണ്.
കൊവിഡില്ലാ സര്ട്ടിഫിക്കറ്റും രണ്ട് ഡോസ് കുത്തിവയ്പ്പിന്റെ രേഖകളുമായി എത്തുന്നവരെ മാത്രമേ പ്രവേശിപ്പിക്കുന്നുള്ളൂ ഇതിനിടെ രാജ്യത്തെ ആരോഗ്യപ്രവര്ത്തകരുമായി പ്രധാനമന്ത്രി ഇന്ന് സംസാരിക്കും.നാല് മണിക്ക് വെര്ചല് യോഗമാകും നടക്കുക. ആരോഗ്യപ്രവര്ത്തകര്ക്കും. അറുപത് വയസിന് മുകളില് ഗുരുതര ആരോഗ്യ പ്രശ്നങ്ങളുള്ളവര്ക്കും പത്താംതീയതി മുതല് കരുതല് ഡോസ് നല്കി തുടങ്ങുന്നതിന് മുന്നോടിയായാണ് പ്രധാനമന്ത്രി സംസാരിക്കുന്നത്. സംസ്ഥാനത്ത് ഒരിടവേളയ്ക്ക് ശേഷം വീണ്ടും കോവിഡ് ഭീതി സൃഷ്ടിക്കുകയാണ്. രോഗബാധ ക്രമാതീതമായി ഉയർന്നാൽ അടച്ചിടൽ അടക്കമുള്ള കടുത്ത നടപടികളിലേക്ക് കടക്കേണ്ടി വരുമെന്ന ആശങ്കയും ശക്തമാണ്. ഒമിക്രോണ് കേസുകള് കുത്തനെ കൂടിയാല് ആദ്യ തരംഗങ്ങളിലേത് പോലെ പ്രാഥമിക, രണ്ടാംനിര ചികിത്സാകേന്ദ്രങ്ങള് വേണ്ടി വരും. അത് കൊണ്ട് തന്നെ ഒമിക്രോണ് കേസുകള് കൂടുന്നത് കണക്കിലെടുത്ത് സജ്ജമാകാന് ജില്ലകള്ക്ക് സര്ക്കാര് നിര്ദേശം നൽകിയിരിക്കുകയാണ്.
കേസുകള് കുത്തനെ കൂടിയാല് ആദ്യ തരംഗങ്ങളിലേത് പോലെ പ്രാഥമിക, രണ്ടാംനിര ചികിത്സാകേന്ദ്രങ്ങള് വേണ്ടി വരുമെന്നാണ് വിലയിരുത്തല്. രോഗികള്ക്ക് വീട്ടില്ത്തന്നെ ചികിത്സ നല്കുന്നതിനായി മുഴുവന് ആരോഗ്യ പ്രവര്ത്തകര്ക്കും ആരോഗ്യവകുപ്പ് ഹോം കെയര് പരിശീലനം നല്കാന് തുടങ്ങി. ടിപിആര് 10 കടന്നാല് ഡെല്റ്റയെ ഒമിക്രോണ് വകഭേദം മറികടന്നതായി കണക്കാക്കാമെന്നാണ് സര്ക്കാരിന്റെ ഭാഗമായ വിദഗ്ര് പറയുന്നത്. 3.88ലേക്ക് താഴ്ന്ന ടിപിആര് 2 ദിവസം കൊണ്ട് 6.8ലേക്കെത്തി. ഈ ആഴ്ച്ച തന്നെ പത്ത് കടന്നേക്കുമെന്ന നിലയിലെത്തി. അതായത് ഒമിക്രോണ് വഴി സംസ്ഥാനത്തേക്കും മൂന്നാംതരംഗമെത്തുന്നുവെന്ന സൂചന. ചികിത്സയിലുള്ളവരുടെ എണ്ണം കുത്തനെ കുറഞ്ഞു വരുന്നതിനിടെ പെട്ടെന്ന് കൂടി. 19,000ല് നിന്ന് 6 ദിവസം കൊണ്ട് 25,000 കടന്നു. ഒമിക്രോണിലൂടെ പ്രതിദിന കേസുകളില് മൂന്നു മുതല് അഞ്ചിരട്ടി വര്ധനവ് വരെയാണ് പ്രതീക്ഷിക്കുന്നത്. ഇതില് ഒരു ശതമാനം ആശുപത്രികളിലും.1 ശതമാനം ഗുരുതരാവസ്ഥയിലുമെത്തിയേക്കും.
സംസ്ഥാനത്ത് കഴിഞ്ഞ ദിവസം 50 പേര്ക്ക് കൂടി ഒമൈക്രോണ് സ്ഥിരീകരിച്ചിരുന്നു. എറണാകുളം 18, തിരുവനന്തപുരം 8, പത്തനംതിട്ട 7, കോട്ടയം, മലപ്പുറം 5 വീതം, കൊല്ലം 3, ആലപ്പുഴ, തൃശൂര്, പാലക്കാട് ഒന്ന് വീതം എന്നിങ്ങനെയാണ് ഒമൈക്രോണ് സ്ഥിരീകരിച്ചത്. ഇതുകൂടാതെ കോയമ്പത്തൂര് സ്വദേശിക്കും ഒമൈക്രോണ് സ്ഥീരികരിച്ചു. ഇതില് 45 പേര് ലോ റിസ്ക് രാജ്യങ്ങളില് നിന്നും 5 പേര് ഹൈ റിസ്ക് രാജ്യങ്ങളില് നിന്നും വന്നതാണ്. ആര്ക്കും തന്നെ സമ്പര്ക്കത്തിലൂടെ ഒമൈക്രോണ് ബാധിച്ചിട്ടില്ല. ഇതോടെ സംസ്ഥാനത്ത് ആകെ 280 പേര്ക്കാണ് ഒമൈക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്നും 186 പേരും ഹൈ റിസ്ക് രാജ്യങ്ങളില് നിന്നും ആകെ 64 പേരും എത്തിയിട്ടുണ്ട്. 30 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. സംസ്ഥാനത്ത് ഒമൈക്രോണ് വ്യാപന സാഹചര്യത്തില് കല്യാണം, മരണാനന്തര ചടങ്ങുകള്, മറ്റു സാമൂഹ്യ രാഷ്ട്രീയ സാംസ്കാരിക, സാമുദായിക പൊതുപരിപാടികള് എന്നിവ അടച്ചിട്ട മുറികളില് 75, തുറസ്സായ സ്ഥലങ്ങളില് 150 എന്നിങ്ങനെ പരിമിതപ്പെടുത്താന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗം തീരുമാനിച്ചു.
എല്ലാ രാജ്യങ്ങളില് നിന്നും വരുന്ന രോഗ ലക്ഷണങ്ങളുള്ളവരുടെ പരിശോധന എയര്പോര്ട്ടുകളില് ശക്തിപ്പെടുത്തണം. ഇതുവരെ കോവിഡ് മരണ ധനസഹായത്തിന് അപേക്ഷിക്കാത്തവര് ഉടന് തന്നെ അപേക്ഷിക്കണം. കയ്യില് കിട്ടിയ അപേക്ഷകളില് നടപടി താമസിപ്പിക്കരുതെന്ന് മുഖ്യമന്ത്രി ഉദ്യോഗസ്ഥരോട് നിര്ദ്ദേശിച്ചു. അതിസമയം രാജ്യത്ത് കോവിഡ് മൂന്നാം തരംഗമാണ് ദൃശ്യമാകുന്നതെന്ന് വിദഗ്ധര്. വന്നഗരങ്ങളില് റിപ്പോര്ട്ട് ചെയ്യപ്പെടുന്ന കേസുകളില് വലിയൊരു പങ്ക് ഒമൈക്രോണ് വകഭേദം മൂലമെന്നും വിദഗ്ധര് മുന്നറിയിപ്പ് നല്കി ഡല്ഹി, മുംബൈ, കൊല്ക്കത്ത എന്നീ നഗരങ്ങളില് കഴിഞ്ഞ ദിവസങ്ങളില് റിപ്പോര്ട്ട് ചെയ്യപ്പെട്ട കോവിഡ് കേസുകളില് 75 ശതമാനവും ഒമൈക്രോണ് വകഭേദം മൂലമാണെന്ന്് കോവിഡ് വാക്സിന് ദൗത്യസംഘം തലവന് ഡോ. എന് കെ അറോറ വ്യക്തമാക്കി.
നേരത്തെ ദേശീയതലത്തില് സ്ഥിരീകരിച്ച കോവിഡ് കേസുകളില് 12 ശതമാനമായിരുന്നു ഒമൈക്രോണ് വകഭേദമെങ്കില് കഴിഞ്ഞ ആഴ്ച ആയപ്പോഴേക്കും അത് 28 ശതമാനമായി ഉയര്ന്നു. ഒമൈക്രോണ് രോഗബാധയുടെ നിരക്ക് ദേശീയ തലത്തില് വീണ്ടും വര്ധിച്ചുകൊണ്ടിരിക്കുകയാണെന്നും അറോറ വ്യക്തമാക്കി. ഇന്ത്യയില് മൂന്നാം തരംഗം എത്തിക്കഴിഞ്ഞു. ഓരോ തരംഗവും സൃഷ്ടിക്കുന്നത് പുതിയ വകഭേദങ്ങളാണ്. ഇത്തവണ അത് ഒമൈക്രോണ് ആണ്. കഴിഞ്ഞ നാലഞ്ച് ദിവസത്തെ കണക്കുകള് എടുത്താല് രാജ്യത്ത് കേസുകള് കുതിച്ചുയരുകയാണെന്ന് വ്യക്തമാകുമെന്നും അറോറ ചൂണ്ടിക്കാട്ടി.
https://www.facebook.com/Malayalivartha