വീണ്ടും വിവാദ പരാമര്ശവുമായി സുബ്രഹ്മണ്യം സ്വാമി രംഗത്ത്: നെഹ്റു മൂന്നാം ക്ലാസുകാരനെന്ന് സുബ്രഹ്മണ്യം സ്വാമി
വിവാദ പരാമര്ശവുമായി സുബ്രഹ്മണ്യം സ്വാമി രംഗത്ത്. ഇന്ത്യയുടെ ആദ്യ പ്രധാനമന്ത്രി ജവഹര്ലാല് നെഹ്റുവിന് മൂന്നാം ക്ലാസ് വിദ്യാഭ്യാസമേയുള്ളൂവെന്ന ബിജെപി നേതാവ് സുബ്രഹ്മണ്യം സ്വാമിയുടെ പരാമര്ശം വിവാദമാകുന്നു. ജവഹര്ലാല് നെഹ്റു സര്വകലാശാല (ജെഎന്യു) യുടെ പേര് മാറ്റണമെന്നും സുബ്രഹ്മണ്യം സ്വാമി ആവശ്യപ്പെട്ടിട്ടുണ്ട്.നേതാജി സുഭാഷ് ചന്ദ്രബോസിന് നല്ല വിദ്യാഭ്യാസ യോഗ്യതയുണ്ട്. എന്നാല് നെഹ്റുവിന് മൂന്നാം ക്ലാസ് വിദ്യാഭ്യാസമേയുള്ളൂ. അതിനാല് ജവഹര്ലാല് നെഹ്റു സര്വകലാശാലയുടെ പേര് മാറ്റി സുഭാഷ് ചന്ദ്രബോസിന്റെ പേരിടണം. അതേസമയം, ജെഎന്യുവിലെ വിദ്യാര്ഥികളും അധ്യാപകരും നക്സലൈറ്റുകളാണെന്നും സ്വാമി ആരോപിച്ചു.
നെഹ്റുവിനെതിരായ സ്വാമിയുടെ ആരോപണങ്ങള്ക്കെതിരെ കോണ്ഗ്രസ് രംഗത്തെത്തിയിട്ടുണ്ട്. സുബ്രഹ്മണ്യം സ്വാമി മികച്ച നേതാവാണെന്നും എന്നാല് ഇപ്പോള് രാഷ്ട്രീയ കോമാളിയായി മാറിയിരിക്കുകയാണെന്ന് കോണ്ഗ്രസ് നേതാവ് സന്ദീപ് ദിക്ഷിത് പറഞ്ഞു. ജെഎന്യുവിന്റെ പുതിയ വൈസ് ചാന്സലറായി സുബ്രഹ്മണ്യം സ്വാമിയ നിയമിക്കുന്നതിന് കേന്ദ്രസര്ക്കാര് തീരുമാനിച്ചതായി റിപ്പോര്ട്ടുകളുണ്ട്. എന്നാല് ചുമതല ഏറ്റെടുക്കുന്നതിന് ചില നിര്ദേശങ്ങള് സ്വാമി മുന്നോട്ടുവച്ചിട്ടുള്ളതായാണ് വിവരം. എന്നാല് ഇതുസംബന്ധിച്ച് മന്ത്രായലത്തില് നിന്ന് ഔദ്യോഗിക സ്ഥിരീകരണങ്ങളൊന്നും ലഭ്യമായിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
