പ്രധാനമന്ത്രി നരേന്ദ്ര മോഡി ആപ്പിള്‍ സി.ഇ.ഒ ടിം കുക്കുമായി കൂടിക്കാഴ്ച നടത്തി. ജി 4 ഉച്ചകോടിക്ക് ശേഷം നരേന്ദ്ര മോഡി കാലിഫോര്‍ണിയയിലെ സാന്‍ജോസില്‍. ഇന്ത്യന്‍ സമൂഹവുമായുള്ള കൂടിക്കാഴ്ചയ്ക്ക് ശേഷമാണ് അദ്ദേഹം സിലിക്കണ്‍ വാലിയിലേക്ക് പുറപ്പെട്ടത്. പ്രമുഖ കാര്‍ നിര്‍മ്മാണ കമ്പനിയായ ടെസ്ല മോട്ടോഴ്‌സിലാണ് മോഡി ആദ്യം എത്തിയത്.
ടെസ്‌ലോ സി.ഇ.ഒ എലോന്‍ മസ്‌കുമായി മോഡി കൂടിക്കാഴ്ച നടത്തി. ടെസ്‌ലോയുടെ പ്ലാന്റിലെ ഓരോ പ്രവര്‍ത്തനങ്ങളും അദ്ദേഹത്തിന് വിശദീകരിച്ചു നല്‍കി. ടെസ്‌ലോയിലെ ഇന്ത്യന്‍ ജീവനക്കാരുമായി ഫോട്ടോയ്ക്ക് പോസ് ചെയ്ത ശേഷമാണ് ഇന്ത്യന്‍ പ്രധാനമന്ത്രി ടെസ്‌ലോ പ്ലാന്റ് വിട്ടത്.
ടെസ്‌ലോയില്‍ നിന്ന് മടങ്ങിയ ശേഷമാണ് മോഡി ആപ്പിള്‍ ആസ്ഥാനത്ത് എത്തിയത്. സി.ഇ.ഒ ടിം കുക്കുമായി മോഡി കൂടിക്കാഴ്ച നടത്തി. ആപ്പിളിന് ഇന്ത്യയുമായി വേറിട്ട ബന്ധമാണുള്ളതെന്ന് കൂടിക്കാഴ്ചയ്ക്ക് ശേഷം ടിം കുക്ക് പറഞ്ഞു. സ്റ്റീവ് ജോബ്‌സ് പ്രചോദനം തേടിയാണ് ഇന്ത്യയില്‍ എത്തിയതെന്നും ടിം കുക്ക് പറഞ്ഞു.
മൂന്ന് പതിറ്റാണ്ടിന് ശേഷമാണ് ഒരു ഇന്ത്യന്‍ പ്രധാനമന്ത്രി സിലിക്കണ്‍ വാലി സന്ദര്‍ശിക്കുന്നത്. ആവേശകരമായ സ്വീകരണമാണ് മോഡിക്ക് യു.എസില്‍ ലഭിക്കുന്നത്. മൈക്രോസോഫ്റ്റ് സി.ഇ.ഒ സത്യ നദെല്ല, ഗൂഗിള്‍ സി.ഇ.ഒ സുന്ദര്‍ പിച്ചൈ എന്നിവരുമായും കൂടിക്കാഴ്ച നടത്തുന്ന മോഡി ഫെയ്‌സ്ബുക്ക് ആസ്ഥാനവും സന്ദര്‍ശിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha