സിവില് സര്വീസ് പരീക്ഷയില് കാലോചിത മാറ്റം വരുത്താന് വിദഗ്ധ സമിതി
സിവില് സര്വീസ് പരീക്ഷയുടെ യോഗ്യത, സിലബസ്, പരീക്ഷാരീതി, വയസ്സിളവ് എന്നിവയില് കാലോചിത മാറ്റം വരുത്താന് കേന്ദ്രസര്ക്കാര് വിദഗ്ധ സമിതിയെ നിയോഗിച്ചു.
ഛത്തീസ്ഗഡ് കേഡറിലെ മുന് ഐ.എ.എസ് ഉദ്യോഗസ്ഥനായ ബി.എസ്.ബസ്വാന് തലവനാകുന്ന കമ്മിറ്റിയില് വിദ്യാഭ്യാസ വിചക്ഷണരും സാങ്കേതിക വിദഗ്ദ്ധരും മുതിര്ന്ന ഉദ്യോഗസ്ഥരും ഉള്പ്പെടും.
സര്ക്കാറിന്റെ മെയിലെ പ്രഖ്യാപനത്തെ തുടര്ന്നാണ് നിയമനമെന്ന് ശാസ്ത്ര സാങ്കേതിക പേഴ്സണല് വകുപ്പ് മന്ത്രി ജിതേന്ദ്ര സിംഗ് അറിയിച്ചു.
ഗണിതശാസ്ത്രം, എന്ജിനീയറിംഗ്, മെഡിസിന്, മാനവിക ശാസ്ത്രം എന്നിങ്ങനെ വ്യത്യസ്ത വിഷയങ്ങളില് വൈദഗ്ദ്ധ്യമുള്ളവര് ഉള്പ്പെടുന്ന തരത്തില് പരീക്ഷയില് മാറ്റം വരുത്തുകയാണ് ലക്ഷ്യം.
പുതിയ റിപ്പോര്ട്ട് അംഗീകരിക്കും വരെ പ്രിലിമിനറി പരീക്ഷയിലെ ജനറല് സ്റ്റഡീസ് രണ്ടാം പേപ്പറിന്റെ മിനിമം മാര്ക്ക് നിബന്ധന നിലനിര്ത്തും.
മെയിന് പരീക്ഷയിലേക്ക് യോഗ്യത നേടാന് നിലവില് 33 ശതമാനം മാര്ക്കാണ് ഈ പേപ്പറിന് വേണ്ടത്. ഇതേ പേപ്പറില് 22 മാര്ക്കിന് ഇംഗ്ലീഷുള്ളത് പ്രിലിമിനറി യോഗ്യതയ്ക്ക് പരിഗണിക്കുന്നതില് നിന്ന് ഒഴിവാക്കാനുള്ള സര്ക്കാര് തീരുമാനം പ്രാബല്യത്തിലുണ്ടാവുമെന്നും സിംഗ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
