മോഡി സര്ക്കാരിനെതിരെ ആഞ്ഞടിച്ച് കേജ്രിവാള്: മെയ്ക്ക് ഇന് ഇന്ത്യ അല്ല മെയ്ക്ക് ഇന്ത്യയാണ് ആദ്യം നടപ്പാക്കേണ്ടതെന്ന് കേജ്രിവാള്
മോഡി സര്ക്കാരിനെതിരെ ആഞ്ഞടിച്ച് ഡല്ഹി മുഖ്യമന്ത്രി അരവിന്ദ് കേജ്രിവാള് രംഗത്ത്. ഇന്ത്യയെ നിര്മിക്കുന്നതോടെ (മെയ്ക്ക് ഇന്ത്യ) സ്വയമേ ഇന്ത്യയില് നിര്മിക്കല് (മെയ്ക്ക് ഇന് ഇന്ത്യ) നടക്കുമെന്ന് ഡല്ഹി മുഖ്യമന്ത്രി അരവിന്ദ് കേജ്!രിവാള്. ആരോഗ്യം, വിദ്യാഭ്യാസം, ജലം, സുരക്ഷ, നിയമപാലനം, അടിസ്ഥാന സൗകര്യം എന്നീ മേഖലകളില് നിക്ഷേപം നടത്തുന്നതാണ് മെയ്ക്ക് ഇന്ത്യ കൊണ്ടുദ്ദേശിക്കുന്നത്. ഈ അഞ്ചു മേഖലകളില് നിക്ഷേപം നടത്തുന്നതിലൂടെ മെയ്ക്ക് ഇന് ഇന്ത്യയ്ക്കായി ലോകം മുഴുവന് ഇന്ത്യയുടെ വാതിലില് ക്യൂ നില്ക്കുമെന്നും കേജ്രിവാള് ട്വിറ്ററില് കുറിച്ചു.
അതേസമയം, കേജ്രിവാളിന്റെ മെയ്ക്ക് ഇന്ത്യ പ്രയോഗത്തിനെതിരെ ബിജെപി രംഗത്തെത്തി. കേജ്രിവാള് ഡല്ഹിയെക്കുറിച്ചു മാത്രം ചിന്തിച്ചാല് മതി, മറിച്ച് ഇന്ത്യയെ മൊത്തം ചിന്തിക്കേണ്ട കാര്യമില്ല. മെയ്ക്ക് ഇന് ഡല്ഹിയില് ശ്രദ്ധ വയ്ക്കാനാണ് കേജ്രിവാള് ശ്രമിക്കേണ്ടത്. ഇന്ത്യയെ പ്രധാനമന്ത്രി നരേന്ദ്ര മോദിക്ക് വിട്ടേക്കുകയെന്നും ബിജെപി നേതാവ് വിജേന്ദ്രര് ഗുപ്ത പറഞ്ഞു. നരേന്ദ്ര മോദി സര്ക്കാരിന്റെ സ്വപ്നപദ്ധതിയാണ് മെയ്ക്ക് ഇന് ഇന്ത്യ. സേവനമേഖലയ്ക്കു സമാനമായി ഉല്പ്പാദനമേഖലയെ ശക്തിപ്പെടുത്തുക എന്ന ലക്ഷ്യത്തോടെയാണ് പദ്ധതി ആവിഷ്കരിച്ചത്.
അതേസമയം, ഭീകരവാദം, ആഗോള താപനം എന്നീ വിഷയങ്ങളില് യു.എന്നിനെ വിമര്ശിച്ച് നരേന്ദ്ര മോദി രംഗത്തെത്തിയിരുന്നു. ലോകത്തിന് മുന്നിലെ പ്രധാന വെല്ലുവിളികളാണ് ഭീകരവാദവും ആഗോള താപനവും. കഴിഞ്ഞ 15 വര്ഷമായി ഭീകരവാദത്തെ യു.എന് നിര്വചിക്കുന്നു. ഇനി എത്ര വര്ഷം വേണ്ടിവരും ഭീകരവാദത്തിനെതിരെ പോരാട്ടം നടത്താനെന്നും മോദി ചോദിച്ചു. ലോകത്തില് ഭീകരവാദത്തെ നല്ലതെന്നും മോശമെന്നും വേര്തിരിക്കാനാവില്ല. ഭീകരവാദം എന്നത് ഒരു സത്യമാണ്. ഇതില് നിന്നും ഇരുപത്തിയൊന്നാം നൂറ്റാണ്ടിനെ സംരക്ഷിക്കേണ്ടതുണ്ടെന്നും അമേരിക്കയിലെ സാപ് സെന്ററില് ഇന്ത്യന് സമൂഹത്തെ അഭിസംബോധന ചെയ്തു കൊണ്ട് മോദി വ്യക്തമാക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
