ബീഹാറില് മദ്യത്തിന് പകരം പാലും പാല് ഉല്പ്പന്നങ്ങളും
ബീഹാറില് നിതീഷ് കുമാര് സര്ക്കാര് മദ്യനിരോധനം ഏര്പ്പെടുത്താനൊരുങ്ങുന്നു. ഏപ്രില് ഒന്ന് മുതല് ബീഹാറില് മദ്യനിരോധനം പ്രാബല്യത്തില് വരാനിരിയ്ക്കെ സംസ്ഥാനത്ത് അടച്ചു പൂട്ടാന് പോകുന്ന മദ്യവില്പ്പന ശാലകളില് പാലും പാല് ഉല്പ്പന്നങ്ങളും വില്ക്കാന് നിതീഷ് കുമാര് സര്ക്കാരിന്റെ തീരുമാനം. ഘട്ടം ഘട്ടമായായിരിയ്ക്കും മദ്യനരോധനം ഏര്പ്പെടുത്തുക. ആദ്യഘട്ടത്തില് ചാരായം അടക്കമുള്ള നാടന് മദ്യങ്ങള്ക്കായിരിയ്ക്കും നിരോധനമേര്പ്പെടുത്തുക.
സ്റ്റേറ്റ് കോ ഓപ്പറേറ്റീവ് മില്ക്ക് പ്രൊഡ്യൂസേഴ്സ് അസോസിയേഷന്റെ സുധ ബ്രാന്റിലുള്ള ഉല്പ്പന്നങ്ങളായിരിയ്ക്കും ആറായിരത്തോളം വരുന്ന മദ്യവില്പ്പനശാലകളില് വില്ക്കുക. ബാറുകള് അടക്കമുള്ളവയിലെ തൊഴിലാളികള്ക്ക് ജോലി നഷ്ടപ്പെടാതിരിയ്ക്കാനും ഈ തീരുമാനത്തിലൂടെ കഴിയുമെന്ന് സര്ക്കാര് കരുതുന്നു. സംസ്ഥാനത്തെ സ്ത്രീകള് ഇത് ആഗ്രഹിയ്ക്കുന്നുണ്ടെന്നും മദ്യനിരോധനത്തിന്റെ കാര്യത്തില് സര്ക്കാര് പ്രതിജ്ഞാബദ്ധമാണെന്നും നിതീഷ് കുമാര് പറഞ്ഞു. പാറ്റ്നയില് ജെ.ഡി.യു ദേശീയ എക്സിക്യൂട്ടീവ് യോഗത്തിന് ശേഷം സംസാരിയ്ക്കുകയായിരുന്നു നിതീഷ് കുമാര്.
ജില്ലാകളക്ടറുടേയും ജില്ലാ പൊലീസ് മേധാവിയുടേയും നേതൃത്വത്തിലായിരിയ്ക്കും ഇത് സംബന്ധിച്ച നടപടികള് മുന്നോട്ട് പോവുക. സ്വയംസഹായ സംഘങ്ങളും ഇക്കാര്യത്തില് സര്ക്കാരുമായി സഹകരിയ്ക്കും. മദ്യത്തിന് അടിമയായി മാറിയവരെ തിരിച്ചുകൊണ്ടുവരാന് സര്ക്കാര് ഡീ അഡിക്ഷന് സെന്ററുകള് ആരംഭിയ്ക്കും. മദ്യനിരോധനം സംബന്ധിച്ച നിതീഷിന്റെ വാഗ്ദാനം നിയമസഭാ തിരഞ്ഞെടുപ്പില് വനിതാ വോട്ടര്മാരെ ആകര്ഷിയ്ക്കുന്നതിന് വലിയ തോതില് സഹായിച്ചിട്ടുണ്ടെന്നാണ് വിലയിരുത്തല്. മദ്യനിരോധനത്തിലൂടെ സര്ക്കാരിന് 3000 മുതഷ 3500 കോടി രൂപ വരെ നഷ്ടമുണ്ടാകുമെന്നാണ് കരുതുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
