പാവപ്പെട്ടവര്‍ കടം വാങ്ങിയും ലോണെടുത്തുമൊക്കെ ഒരു വാഹനം വാങ്ങിയാല്‍ അതു സംരക്ഷിക്കാന്‍ നമ്മുടെ നാട്ടില്‍ പറ്റുന്നില്ല. രജിസ്‌ട്രേഷന്‍ തുക അടയ്ക്കുന്നതില്‍ വീഴ്ച വരുത്തിയെന്ന് ചൂണ്ടിക്കാട്ടി ആര്‍.ടി.ഒ ബൈക്ക് പിടിച്ചെടുത്തു. എന്നാല്‍ പണം അടയ്ക്കുമ്പോള്‍ ആ വാഹനം തിരികെ നല്‍കേണ്ട ഉത്തരവാധിത്വം ഇവര്‍ക്കില്ലേ. ഇവിടെ പണം അടച്ചപ്പോള്‍ കിട്ടിയ മറുപടി ബൈക്ക് കള്ളന്‍ കൊണ്ടുപോയി എന്നതാണ്.

ബംഗുളൂരുവിലെ ഇന്‍ഷുറന്‍സ് കമ്പനി ജീവനക്കാരനായ അശോകിനാണ് തന്റെ പുതിയ പള്‍സര്‍ ബൈക്ക് നഷ്ടമായത്. രജിസ്‌ട്രേഷന്‍ തുകയും പിഴയും അടച്ച ശേഷം ബൈക്ക് എടുക്കാനെത്തിയപ്പോഴാണ് ബൈക്ക് മോഷണം പോയതായി അശോക് അറിയുന്നത്. എന്നാല്‍, ഇക്കാര്യത്തില്‍ തങ്ങള്‍ക്ക് ഉത്തരവാദിത്വമില്ലെന്നാണ് ആര്‍.ടി.ഒ ഓഫീസ് നല്‍കുന്ന വിശദീകരണം. ജയനഗറിലെ ബി.എം.ടി.സി സ്റ്റാന്റിലാണ് ബൈക്ക് സൂക്ഷിച്ചിരുന്നത്.

അതുകൊണ്ടുതന്നെ ഏതു തരത്തിലുള്ള പാര്‍ക്കിങ് കോണ്‍ട്രാക്ടാണ് ഉള്ളതെന്ന് പരിശോധിച്ചു വരികയാണെന്നും ജോയിന്റ് കമ്മിഷണര്‍ക്ക് നോട്ടീസ് അയച്ചിട്ടുണ്ടെന്നുമാണ് വിഷയത്തില്‍ ജയനഗര്‍ ആര്‍.ടി.ഒയില്‍ നിന്നും ലഭിച്ച പ്രതികരണം. ആശിച്ചു വാങ്ങിയ ബൈക്ക് ആയിരം കിലോമീറ്റര്‍ മാത്രമേ ഓടിയിട്ടുള്ളൂവെന്നും മൂന്ന് മാസത്തെ വായ്പാതുക മാത്രമേ തിരിച്ചടച്ചിട്ടുള്ളൂവെന്നും അശോക് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha