തമിഴ് , ഹിന്ദി ഭാഷ വിവാദം തമിഴ്‌നാട്ടിന്റെ സ്വാഭാവി പ്രാദേശി വികാരത്തെ ആളിക്കത്തിക്കാനുള്ള തന്ത്രങ്ങളുടെ ഭാഗമാണ്. പാര്‍ലമെന്റെ തിരഞ്ഞെടുപ്പിന് കളമൊരുക്കാനായി അണ്ണാമലൈ നടത്തുന്ന പദയാത്രയില്‍ വരും ദിവസങ്ങളില്‍ തീപ്പൊരി വിവാദങ്ങള്‍ കടന്നു വരാനാണ് സാധ്യത. അണ്ണാമലൈ സ്റ്റാലിനെതിരെ നടത്തുന്ന പോരാട്ടം കനത്തു കൊണ്ടിരിക്കുകയാണ്. എ ഐ ഡി എം കെ പാര്‍ട്ടിയെ പൂര്‍ണ്ണമായും തകര്‍ത്തു കൊണ്ട് ഡിഎംകെയ്ക്ക് ബദലാകനാണ് ബിജെപി പരിശ്രമിച്ചു കൊണ്ടിരിക്കുന്നത. അതുകൊണ്ടാണ് സ്റ്റാലിന്റെ എല്ലാ പ്രവര്‍ത്തനങ്ങളെയും കണ്ണുപൂട്ടി എതിര്‍ക്കുകയെന്ന നയത്തിലേയ്ക്ക് ബിജെപി എത്തി നില്ക്കുന്നത്. അതിന് യാതൊരുമിടിയുമില്ലാത്തബിജെപി  സംസ്ഥാന ഘടകം പ്രസിഡന്റ് അണ്ണാമലൈ ഇറങ്ങി പുറപ്പെട്ടിരിക്കുകയുമാണ്.

എതിര്‍പ്പില്ലാതെ എല്ലാവരും ഹിന്ദി സ്വീകരിക്കണമെന്ന ആഭ്യന്തരമന്ത്രി അമിത് ഷായുടെ ആഹ്വാനം മറ്റ ഭാഷകള്‍ സംസാരിക്കുന്നവരെ ഹിന്ദിക്ക് അടിമകളാക്കാനുള്ള സ്വേച്ഛാധിപത്യ ശ്രമമാണെന്നും തമിഴ്‌നാട് ഒരു പാവ സംസ്ഥാനമല്ലെന്നും മുഖ്യമന്ത്രി എം.കെ.സ്റ്റാലിന്‍ പറഞ്ഞിരുന്നു. ഹിന്ദിതമിഴ് ഭാഷാ വിവാദത്തില്‍ ഡിഎംകെ സര്‍ക്കാര്‍ രാഷ്ട്രീയം കളിക്കുകയാണെന്ന് ബിജെപി തമിഴ്‌നാട് അധ്യക്ഷന്‍ കെ.അണ്ണാമലൈ തിരിച്ചടിച്ചതോടെ തമിഴ്‌നാട്ടിലെ അങ്കത്തിനും തുടക്കമായി.സ്റ്റാലിന് ഹിന്ദിയോ ഇംഗ്ലിഷോ അറിയില്ല. അതുകൊണ്ടു തന്നെ അദ്ദേഹത്തിന് അമിത് ഷാ പറഞ്ഞത് എന്താണെന്ന് മനസ്സിലായിട്ടുമില്ല. തമിഴ്- ഹിന്ദി ഭാഷകളെവച്ച് വിലകുറഞ്ഞ രാഷ്ട്രീയം കളിക്കുയാണ് ഡിഎംകെ. സ്റ്റാലിനും കൂട്ടാളികള്‍ക്കും മറ്റൊന്നിനെ കുറിച്ചും സംസാരിക്കാനില്ലാത്തതിനാലാണ് എന്താണ് പറഞ്ഞതെന്ന് മനസ്സിലാകുക പോലും ചെയ്യാത്ത പ്രസ്താവനയില്‍ അഭിപ്രായം പറയുന്നത്.''- അണ്ണാമലൈ പറഞ്ഞു. എല്ലാ സംസ്ഥാനങ്ങളിലും വിദ്യാഭ്യാസം മാതൃഭാഷയിലായിരിക്കണമെന്ന് അമിത് ഷാ വ്യക്തമായി പറഞ്ഞെന്നും അണ്ണാമലൈ അഭിപ്രായപ്പെട്ടു.

വെള്ളിയാഴ്ച ഡല്‍ഹിയില്‍ നടന്ന പാര്‍ലമെന്റിന്റെ ഔദ്യോഗിക ഭാഷാസമിതി സമ്മേളനത്തില്‍, മന്ദഗതിയിലാണെങ്കിലും എതിര്‍പ്പില്ലാതെ എല്ലാവരും ഹിന്ദിയെ അംഗീകരിക്കണമെന്ന് അറിയിച്ചിരുന്നു. ഹിന്ദി മറ്റു ഭാഷകളുമായി മത്സരത്തിലല്ലെന്നും എല്ലാ ഇന്ത്യന്‍ ഭാഷകളെയും പ്രോത്സാഹിപ്പിക്കുന്നതിലൂടെ മാത്രമേ രാജ്യം കരുത്താര്‍ജിക്കുകയുള്ളൂവെന്നും അദ്ദേഹം പറഞ്ഞിരുന്നു. അതേസമയം, ഹിന്ദി സ്വീകരിക്കണമെന്ന ആഭ്യന്തരമന്ത്രി അമിത് ഷായുടെ ആഹ്വാനം മറ്റ് ഭാഷകള്‍ സംസാരിക്കുന്നവരെ ഹിന്ദിക്ക് അടിമകളാക്കാനുള്ള സ്വേച്ഛാധിപത്യ ശ്രമമാണെന്ന് സ്റ്റാലിന്‍ തിരിച്ചടിച്ചു. തമിഴ്‌നാട്ടില്‍ വരുമ്പോള്‍ സംസ്ഥാനത്തിന്റെ പാരമ്പര്യത്തെക്കുറിച്ചു തേനൂറുന്ന വാക്കുകള്‍ പറയുന്ന അമിത് ഷാ ഡല്‍ഹിയില്‍ പോയാല്‍ വാക്കുകളില്‍ വിഷം പുരട്ടുകയാണെന്നും ഇതു ബിജെപിയുടെ രാഷ്ട്രീയക്കളിയാണെന്ന് എല്ലാവര്‍ക്കും അറിയാമെന്നുമാണ് സ്റ്റാലിന്‍ പറഞ്ഞത്. 1965ലെ ഭാഷാ വിപ്ലവം പുനഃസൃഷ്ടിക്കരുതെന്ന മുന്നറിയിപ്പും സ്റ്റാലിന്‍ നല്‍കിയിട്ടുണ്ട്.

ഇഡിയെ ഇറക്കി റെയ്ഡുകള്‍ നടത്തിയും മന്ത്രിമാരെ ജയിലിലടച്ചും ബിജെപി തമിഴ്‌നാട്ടില്‍ കൊടിപാറിക്കുകയാണ്. എന്നാല്‍ ഇതെല്ലാം രാഷ്ട്രീയ എതിരാളികളെ ഒതുക്കുന്നതിനുള്ള തന്ത്രമാണെന്ന് വരുത്തി തീര്‍ക്കാനായി സ്‌ററാലിന്‍ സര്‍ക്കാര്‍ കൂടുതല്‍ കൂടുതല്‍ ജനകീയ പദ്ധതികള്‍ അവതരിപ്പിക്കുകയാണ്. രണ്ട് മന്ത്രമാരെ നിലവില്‍ ഇഡി വലയിലാക്കിയെങ്കിലും ഇനിയും പലരും കുടുങ്ങുമെന്നു തന്നെയാണ് അണ്ണാമലൈ പറയുന്നത്. രാമേശ്വരത്ത് നിന്നാരംഭിച്ച പദയാത്ര സമാപിക്കുമ്പോള്‍ ചെന്നൈയില്‍ ഒരു മന്ത്രി പോലുമുണ്ടാകില്ലെന്നാണ് അണ്ണാമലൈ അടിച്ചു വിടുന്നത്. എന്നാല്‍ തമിഴ് വികാരം ആളിക്കത്തിച്ച് ദ്രാവിഡ രാ്ഷ്ട്രീയത്തെ മുറുകെ പിടിക്കാന്‍ തന്നെയാണ് ഡിഎംകെ തീരുമാനമെന്നറിയുന്നു. ബിജെപി പ്രതികാര നടപടികളുമായി മുന്നേറിയാല്‍ തമിഴ്‌നാട്ടിലെ ദ്രാവിഡ പാര്‍ട്ടികളെല്ലാം ഒന്നായി മാറാനുള്ള സാധ്യതയും മുന്നില്‍ കാണുന്നുണ്ട്. സിനിമതാരം വിജയിയെ കളത്തിലിറക്കാന്‍ ബിജെപി ശ്രമിച്ചു കൊണ്ടിരിക്കുകയാണ്. ഏതുവിധത്തിലും തമിഴ്‌നാട്ടില്‍ നിന്ന് പരമാവധി സീറ്റ് പിടിച്ചെടുക്കാനുള്ള തന്ത്രങ്ങളിലൂടെയാണ് ബിജെപി നേതൃത്വം കടന്നു പോകുന്നത്. അതിന്റെ ഭാഗമായാണ് സ്റ്റാലിനെ വ്യക്തിപരമായി കടന്നാക്രമിച്ചു കൊണ്ടിരിക്കുന്നതെന്നും വിലയിരുത്തപ്പെടുന്നു.