ഹിമാചലില് മേഘവിസ്ഫോടനം... ഏഴുമരണം, മൂന്നുപേരെ കാണാതായി, അഞ്ച് പേരെ കാണാതായി, ഉത്തരാഖണ്ഡിലെ ആറു ജില്ലകളില് റെഡ് അലര്ട്ട് തുടരുന്നു
ഹിമാചലിലെ സോളനിലെ മേഘവിസ്ഫോടനത്തില് ഏഴുമരണം. മൂന്നുപേരെ കാണാതായി; അഞ്ചുപേരെ രക്ഷപ്പെടുത്തി. മഴ കനക്കുന്ന പശ്ചാത്തലത്തില് ഉത്തരാഖണ്ഡിലെ ആറു ജില്ലകളില് റെഡ് അലര്ട്ട് തുടരുകയാണ്.
ഞായറാഴ്ച രാത്രിയോടെ സോളനിലെ ജാഡോന് ഗ്രാമത്തിലാണ് മിന്നല്പ്രളയമുണ്ടായത്. കഴിഞ്ഞ 24 മണിക്കൂറില് ഏറെയായി പ്രദേശത്ത് കനത്ത മഴ തുടരുകയാണ്. പലയിടത്തും മണ്ണിടിച്ചില് ഉണ്ടായതിനെ തുടര്ന്ന് റോഡ് ഗതാഗതം തടസപ്പെട്ടു.
നിരവധി വീടുകളും പാലങ്ങളും മിന്നല്പ്രളയത്തില് ഒലിച്ചുപോയി. ഷിംലയില് സ്വകാര്യ ബസിന് മുകളിലേക്ക് മരം വീണ് കണ്ടക്ടര്ക്ക് സാരമായി പരിക്കേറ്റു. ഇന്ന് സംസ്ഥാനത്തെ മുഴുവന് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു.
അതേസമയം ഹിമാചല് പ്രദേശില് അടുത്ത രണ്ട് ദിവസത്തേക്ക് കനത്തതോ അതിശക്തമായതോ ആയ മഴ തുടരാന് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. കനത്ത മഴയെത്തുടര്ന്ന് മലയോര മേഖലയില് ഉരുള്പൊട്ടലുണ്ടായി.
https://www.facebook.com/Malayalivartha
