ഛത്തീസ് ഗഡിലെ മാവോയിസ്റ്റ് ആക്രമണത്തില് വീരമൃത്യുവരിച്ച സി.ആര്.പി.എഫിലെ 23 ഭടന്മാരില് നാലു പേര്ക്ക് മരണാനന്തര ബഹുമതിയായി കീര്ത്തിചക്ര പ്രഖ്യാപിച്ചു....
ഛത്തീസ് ഗഡിലെ മാവോയിസ്റ്റ് ആക്രമണത്തില് വീരമൃത്യുവരിച്ച സി.ആര്.പി.എഫിലെ 23 ഭടന്മാരില് നാലു പേര്ക്ക് മരണാനന്തര ബഹുമതിയായി കീര്ത്തിചക്ര പ്രഖ്യാപിച്ചു.
അസം സ്വദേശിയായ ഇന്സ്പെക്ടര് ദിലീപ് കുമാര് ദാസ്, അയോദ്ധ്യ സ്വദേശി ഹെഡ്കോണ്സ്റ്റബിള് രാജ് കുമാര് യാദവ്, കോണ്സ്റ്റബിള്മാരായ അസം സ്വദേശി ബബ്ളു റബ്ബ, ത്രിപുര സ്വദേശി ശംഭു റോയ് എന്നിവര്ക്കാണ് കീര്ത്തിചക്ര.
ഛത്തീസ്ഗഡിലെ ബസ്തര് മേഖലയില് 2021 ഏപ്രിലില് നടന്ന ആക്രമണത്തിലാണ് വീരമൃത്യു വരിച്ചത്. 11പേര് ശൗര്യചക്രയ്ക്ക് അര്ഹരായി. ഇതില് അഞ്ച് പേര്ക്ക് മരണാനന്തര ബഹുമതിയാണ്.
രണ്ടു പേര്ക്ക് രണ്ടാം തവണയാണ് ബഹുമതി.മലയാളികളായ മേജര് രഞ്ജിത് കുമാര് (രാഷ്ട്രീയ റൈഫിള്സ്), മേജര് സന്തോഷ് കുമാര്(ഗൂര്ഖ റൈഫിള്സ്) എന്നിവര് അടക്കം കരസേനയിലെ 52 പേര്ക്കും നാവിക സേനയിലെ മൂന്നുപേര്ക്കും മലയാളി സ്ക്വാഡ്രണ് ലീഡര് ജി.എല്. വിനീത് അടക്കം വ്യോമസേനയിലെ നാലുപേര്ക്കും ധീരതയ്ക്കുള്ള അവാര്ഡുകള് ലഭിച്ചു.ഓപ്പറേഷന് രക്ഷക്കില് പങ്കെടുത്ത ആര്മി ഏവിയേഷന് സ്ക്വാഡ്രണിലെ മലയാളി ലെഫ്റ്റനന്റ് കേണല് ജിമ്മി തോമസ് അടക്കം വിവിധ സൈനിക ഓപ്പറേഷനുകളില് പങ്കെടുത്ത 30 പേര്ക്ക് മെഡല് ലഭ്യമായി.
https://www.facebook.com/Malayalivartha
