ഉപരാഷ്ട്രപതി ജഗദീപ് ധന്‍കര്‍, പ്രധാനമന്ത്രി നരേന്ദ്രമോദി, പ്രതിരോധ മന്ത്രി രാജ്നാഥ് സിംഗ്, ഉപരിതല ഗതാഗത വകുപ്പ് മന്ത്രി നിധിന്‍ ഗഡ്കരി, ആഭ്യന്തര മന്ത്രി അമിത് ഷാ, ലോക്സഭാ സ്പീക്കര്‍ ഓം ബിര്‍ള, രാജ്യസഭ ഡെപ്യൂട്ടി ചെയര്‍മാന്‍ ഹരിവന്‍ഷ് നാരായണ്‍ എന്നിവരും രാഷ്ട്രപതിയെ അനുഗമിച്ചിരുന്നു.


വാജ്പേയിയുടെ ദീര്‍ഘവീക്ഷണമുള്ള നേതൃത്വവും വിവേകവും സദ്ഭരണത്തിലുള്ള ശ്രദ്ധയും നിര്‍ണായകമായ കാലഘട്ടത്തില്‍ ഇന്ത്യയെ രൂപപ്പെടുത്താന്‍ സഹായിച്ചതായി ഉപരാഷ്ട്രപതി പ്രതികരിച്ചു. അദ്ദേഹത്തിന്റെ മഹത്വം ഏവര്‍ക്കും പ്രചോദനം പകരുന്നതാണെന്നും അദ്ദേഹം ട്വീറ്റ് ചെയ്തു. രാജ്യത്തെ പുരോഗതിയിലേക്ക് നയിക്കുന്നതിലും 21-ാം നൂറ്റാണ്ടിന്റെ വിശാലമായ തലങ്ങളിലേക്ക് എത്തിക്കുന്നതിലും നിര്‍ണായക പങ്കുവഹിച്ച നേതാവാണ് വാജ്പേയി എന്ന് പ്രധാനമന്ത്രി പറഞ്ഞു.

അദ്ദേഹത്തിന്റെ നേതൃത്വത്തില്‍ ഇന്ത്യക്ക് വലിയ നേട്ടങ്ങള്‍ കൈവരിച്ചു. അടല്‍ജിയുടെ പുണ്യതിഥിയില്‍ അദ്ദേഹത്തിന് ആദരാഞ്ജലികള്‍ അര്‍പ്പിക്കാന്‍ ഇന്ത്യയിലെ 140 കോടി ജനങ്ങളോള്‍ക്കൊപ്പം ഞാനും പങ്കുചേരുന്നതായും പ്രധാനമന്ത്രി ട്വിറ്ററില്‍ കുറിച്ചു.

ശക്തമായ ഇച്ഛാശക്തിയോടെ സദ്ഭരണത്തിന് അദ്ദേഹം അടിത്തറയിട്ട നേതാവാണ് അടല്‍ ബിഹാരി വാജ്പേയിയെന്ന് അമിത് ഷാ. പ്രത്യയശാസ്ത്രത്തിലും തത്വങ്ങളിലും അധിഷ്ഠിതമായി രാഷ്ട്രസേവനം നടത്തിയിരുന്ന വ്യക്തിയായിരുന്നു അദ്ദേഹം.

പൊഖ്റാനിലൂടെ ഇന്ത്യയുടെ ശക്തിയെ അദ്ദേഹം ലോകത്തിന് മുഴുവന്‍ പരിചയപ്പെടുത്തി. പാര്‍ട്ടിയെ ശൂന്യതയില്‍ നിന്നും ഉന്നതിയില്‍ എത്തിച്ച നേതാവാണ് അദ്ദേഹമെന്നും ട്വീറ്റ് ചെയ്ത് അമിത് ഷാ.