അപ്രാപ്യമായ ചന്ദ്രന്റെ ദക്ഷിണധ്രുവത്തില്‍ ഇന്ത്യയുടെ അഭിമാന പേടകമായ ചന്ദ്രയാന്‍-3 എത്താന്‍ ഇനി വിരലിൽ എണ്ണാവുന്ന നിമിഷങ്ങൾ മാത്രം ബാക്കി .അതെ അങ്ങനെ നാം കാത്തിരുന്ന ആ ദിവസം വന്നെത്തി. ഇന്ന് വൈകിട്ട് 5.45നാണ് നമ്മൾ ആകാംഷയോടെ കാത്തിരിക്കുന്ന സോഫ്റ്റ് ലാൻഡിംഗ്. 'നിർണായക നിമിഷത്തേക്ക് അടുക്കുമ്പോൾ ഇസ്രോ നിർണായകമായ ആ വിവരം കൂടെ പുറത്ത് വിട്ടിരിക്കുകയാണ് .ആ ഐ എസ ആർ ഒയുടെ വാക്കുകൾ ഇങ്ങനെ;

എല്ലാം തയ്യാറാണ്.ഓട്ടോമാറ്റിക് ലാൻഡിംഗ് സീക്വൻസ് ആരംഭിക്കാൻ ഉള്ള എല്ലാം സജ്ജമാണ് എന്ന് അറിയിച്ചിരിക്കുകയാണ് ഐ എസ് ആർ ഒ .ഏകദേശം 17:44 ആകുമ്പോൾ അതായത് ഇന്ത്യൻ സമയം 5. 44 ആകുമ്പോൾ നിയുക്ത പോയിന്റിൽ ലാൻഡർ മൊഡ്യൂളിന്റെ ) വരവിനായി കാത്തിരിക്കുകയാണ് .
ALS കമാൻഡ് കിട്ടുമ്പോൾ , ലാൻഡർ മൊഡ്യൂൾ എഞ്ചിനുകൾ ഊർജ്ജിത ഇറക്കത്തിനായി സജീവമാക്കുന്നു. മിഷൻ ഓപ്പറേഷൻസ് ടീം ,കമാൻഡുകളുടെ തുടർച്ചയായ നിർവ്വഹണം സ്ഥിരീകരിക്കുന്നത് തുടർന്ന് കൊണ്ടേയിരിക്കും.MOX-ലെ പ്രവർത്തനങ്ങളുടെ തത്സമയ സംപ്രേക്ഷണം 5 :20-ന് തുടങ്ങുമെന്നാണ് ഇസ്രോ എക്‌സിലൂടെ അറിയിച്ചിരിക്കുന്നത്

വിക്രം' എന്ന ലാന്‍ഡര്‍ മൊഡ്യൂളിനെ ചന്ദ്രോപരിതലത്തിലേക്ക് ഇറക്കുന്നതിനുള്ള നടപടികള്‍ വൈകീട്ട് 5.45-ന് തുടങ്ങും . എന്തൊക്കെയാണ് ഇന്നത്തെ ആ കടമ്പ എന്ന് പടിപടിയായി നമുക്ക് നോക്കാം;
.
ഏകദേശം 30 കിലോമീറ്റർ ഉയരത്തിൽ നിന്നാണ് ഈ നിർണായക യാത്ര തുടങ്ങുന്നത്.

വേഗത കുറയ്ക്കാനുള്ള റഫ് ബ്രേക്കിംഗ് ഫേസ് എന്ന ഈ ഘട്ടം 690 സെക്കന്റ് നീളും.

അതു കഴിഞ്ഞ് ലാൻഡർ 30 കിലോമീറ്റർ ഉയരത്തിൽ നിന്ന് 7.42 കിലോമീറ്ററിലേക്ക് താഴും.

ചന്ദ്രന്റെ ഉപരിതലത്തിൽ 713.5 കിലോമീറ്റർ യാത്ര ചെയ്ത് ഓൾറ്റിറ്റ്യൂഡ് ഹോൾഡ് ഫെയ്സിലൂടെയാണ് ലാൻഡർ ഈ സ്ഥാനത്തെത്തുക.

175 സെക്കന്റുള്ള ഫൈൻ ബ്രേക്കിംഗ് ഫെയ്സിലൂടെ ലാൻഡർ ചന്ദ്രന്റെ തൊട്ടടുത്തെത്തും.

തുടർന്ന് ലാൻഡർ ഇറങ്ങുന്ന സ്ഥലം സുരക്ഷിതമാണോ എന്ന് ഉറപ്പിക്കാനുള്ള ഹസാഡ് വെരിഫിക്കേഷൻ നടക്കും.

SLOWED DESCENT എന്ന അടുത്ത ഘട്ടത്തിലൂടെ ലാൻഡർ ചന്ദ്രനോട് കൂടുതൽ അടുക്കുകയും അവസാന ഘട്ടമായ ടെർമിനൽ ഡിസന്റിലൂടെ ചന്ദ്രോപരിതലത്തിൽ സോഫ്റ്റ് ലാൻഡിംഗ് നടത്തുകയും ചെയ്യും.

ആയപ്പോൾ ആ കാഴ്ച കാണാൻ കണ്ണ് തുറന്നു ഇരിക്കുകയല്ലേ.

അതേസമയം, ബഹിരാകാശചരിത്രത്തിൽ പുതിയ അധ്യായം രചിക്കാൻ ഒരുങ്ങിയിരിക്കുകയാണ് ഇന്ത്യയുടെ ചന്ദ്രയാൻ 3.