പ്രതിപക്ഷ നേതാക്കളായ മുലായം സിംഗ് യാദവ്, മമത ബാനര്‍ജി, അരവിന്ദ് കേജ്രിവാള്‍, നിതീഷ് കുമാര്‍ തുടങ്ങിയ നേതാക്കള്‍ രാജ്യത്തിന് ഭീഷണിയാണെന്നാണ് ബിജെപി എംപി സാക്ഷി മഹാരാജ്. ഇവര്‍ വ്യാജ മുസ് ലിം അനുകൂലികളും, മുസ് ലിം വിഭാഗത്തില്‍പ്പെട്ടവരെ നേര്‍വഴിക്ക് സഞ്ചരിക്കാന്‍ അനുവദിക്കാത്തവരുമാണെന്നും സാക്ഷി മഹാരാജ് പറഞ്ഞു. മീററ്റില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ലോകത്തില്‍ എവിടെയെങ്കിലും മുസ്‌ലിംകള്‍ സുരക്ഷിതാരാണെങ്കില്‍ അത് ഇന്ത്യയില്‍ മാത്രമാണെന്നും, മോദി സര്‍ക്കാരിന്റെ എല്ലാ പദ്ധതികളുടെയും ഗുണം ഏറ്റവും കൂടുതല്‍ കിട്ടിയിട്ടുള്ളത് മുസ് ലിം വിഭാഗത്തിനാണെന്നും സാക്ഷി മഹാരാജ് പറഞ്ഞു. എന്‍ഡിഎ സര്‍ക്കാര്‍ നടപ്പിലാക്കുന്ന ചില നയങ്ങളും പദ്ധതികളും പ്രതിപക്ഷത്തിനെ ഭയപ്പെടുത്തുന്നുണ്ടെന്നും, രാജ്യത്തിന്റെ വികസന പദ്ധതികളെക്കുറിച്ച് പ്രധാനമന്ത്രി സംസാരിക്കുമ്പോള്‍ പ്രതിപക്ഷം സഹകരിക്കുന്നില്ലെന്നും സാക്ഷി മഹാരാജ് ആരോപിച്ചു.
നരേന്ദ്ര മോദി പാകിസ്താനുമായി ചര്‍ച്ച ചെയ്താലും, ഇല്ലെങ്കിലും പ്രതിപക്ഷം പ്രശ്‌നമുണ്ടാക്കുമെന്നും എംപി മാധ്യമങ്ങളോട് പറഞ്ഞു. അയോധ്യയില്‍ രാമക്ഷേത്രം പണിയുന്നതിന് മധ്യപ്രദേശിലെ ഒരു ലക്ഷം മുസ് ലിംകളുടെ പിന്തുണയുണ്ടെന്നും, ഇത് സംബന്ധിച്ചുള്ള കുറിപ്പില്‍ അവര്‍ ഒപ്പിട്ടു തന്നിട്ടുണ്ടെന്നും സാക്ഷി മഹാരാജ് അവകാശപ്പെട്ടു. ജനങ്ങള്‍ക്ക് രാമക്ഷേത്രം നിര്‍മ്മിക്കുന്നതില്‍ എതിര്‍ അഭിപ്രായം ഇല്ലെങ്കില്‍ പിന്നെന്തിനാണ് തര്‍ക്കം എന്നും സാക്ഷി മഹാരാജ് ചോദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha