സംസ്ഥാന സര്‍ക്കാരിന്റെ അബ്കാരി നയത്തിന് സുപ്രീംകോടതിയുടെ രൂക്ഷവിമര്‍ശനം. കള്ളിലെ ആല്‍ക്കഹോളിന്റെ പരിധി 8.1 ശതമാനമായി നിശ്ചയിക്കുന്നത് പ്രായോഗികമല്ലെന്നും അബ്കാരി നയം പുന:പരിശോധിക്കുമെന്നും വ്യക്തമാക്കിയ കോടതി വിശദമായ വാദം കേള്‍ക്കാനായി കേസ് ഈ മാസം 20 ലേയ്ക്ക് മാറ്റി. അബ്കാരി നയത്തെ ചോദ്യം ചെയ്ത് ഒരു കള്ളുഷാപ്പ് ഉടമ നല്‍കിയ ഹര്‍ജിയിലാണ് വിമര്‍ശനം.

നേരത്തെ 2009 ല്‍ കേസ് പരിഗണിച്ച സുപ്രീംകോടതി വിഷയം പഠിക്കാനായി ഒരു വിദഗ്ധ സമിതിയെ ചുമതലപ്പെടുത്തിയിരുന്നു. കള്ളില്‍ ആല്‍ക്കഹോളിന്റെ പരിധി 9.5 ശതമാനം വരെയാകാം എന്നായിരുന്നു വിദഗ്ധ സമിതിയുടെ നിര്‍ദേശം. എന്നാല്‍, അബ്കാരി നയത്തിലെ 8.1 ശതമാനം എന്ന നിലപാടില്‍ മാറ്റം വരുത്താന്‍ സംസ്ഥാന സര്‍ക്കാര്‍ തയ്യാറായിരുന്നില്ല. ഇക്കാര്യം ചൂണ്ടിക്കാട്ടിയാണ് ഹര്‍ജിക്കാരന്‍ കോടതിയെ സമീപിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha