കേന്ദ്രസര്‍ക്കാര്‍ തമിഴ്‌നാട്ടിന്റെ പരമ്പരാഗത കായിക വിനോദമായ ജെല്ലിക്കെട്ട് നടത്താന്‍ അനുമതി നല്‍കി. ഇതു സംബന്ധിച്ച ഉത്തരവ് കേന്ദ്ര പരിസ്ഥിതി മന്ത്രാലയം പുറപ്പെടുവിച്ചു. ഓരോ വര്‍ഷവും കാളകളുടെ കൊമ്പില്‍ക്കുരുങ്ങിയും ഇടിയേറ്റും ഒട്ടേറെ ചെറുപ്പക്കാര്‍ മരിക്കുക പതിവാണ്. ജെല്ലിക്കെട്ടിലൂടെ കാളകളെ പീഡിപ്പിക്കുന്നുവെന്നു വിലയിരുത്തിയാണ് 2014 ല്‍ സുപ്രീംകോടതി ജെല്ലിക്കെട്ട് നിരോധിച്ചത്. ഇതേത്തുടര്‍ന്ന് കഴിഞ്ഞ വര്‍ഷം ജെല്ലിക്കെട്ട് നടത്താതെയാണ് തമിഴകം പൊങ്കല്‍ ആഘോഷിച്ചത്. ഈ വര്‍ഷം പൊങ്കല്‍ അടുത്തതോടെ ജെല്ലിക്കെട്ട് നിരോധനം നീക്കണമെന്നാവശ്യപ്പെട്ട് രാഷ്ട്രീയ നേതാക്കളും രംഗത്തെത്തിയിരുന്നു. ഇക്കാര്യം ആവശ്യപ്പെട്ട് തമിഴ്‌നാട് മുഖ്യമന്ത്രി ജയലളിത പ്രധാനമന്ത്രി നരേന്ദ്ര മോദിക്ക് കത്തുമയച്ചിരുന്നു. ഈ സാഹചര്യത്തിലാണ് ജെല്ലിക്കെട്ട് നടത്താന്‍ കേന്ദ്രസര്‍ക്കാര്‍ അനുമതി നല്‍കിയത്. 13 ാം നൂറ്റാണ്ടിലെ പാണ്ഡ്യ രാജവംശകാലം മുതല്‍ തമിഴ് ഗ്രാമങ്ങളിലെ ഏറ്റവും വലിയ കായിക വിനോദങ്ങളിലൊന്നാണ് ജെല്ലിക്കെട്ട്. തമിഴ്‌നാടിന്റെ 11 തെക്കന്‍ ജില്ലകളില്‍ പൊങ്കല്‍ വേളയിലെ ഏറ്റവും വലിയ ആഘോഷമാണിത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha