മാള്ഡയില് വര്ഗീയ കലാപം നടക്കുന്നില്ലെന്ന് മുഖ്യമന്ത്രി മമതാ ബാനര്ജി
ബംഗാളിലെ മാള്ഡയില് വര്ഗീയ കലാപം നടക്കുന്നില്ലെന്ന് മുഖ്യമന്ത്രി മമതാ ബാനര്ജി. ബിഎസ്എഫും പ്രദേശവാസികളും തമ്മിലുള്ള സംഘര്ഷമാണ് സ്ഥലത്ത് നടക്കുന്നതെന്നും മമത കൂട്ടിച്ചേര്ത്തു. സംസ്ഥാനത്ത് രണ്ട് മതവിഭാഗങ്ങള് തമ്മില് സംഘര്ഷം നടക്കുന്നുവെന്ന ആരോപണം ഇന്നലെയും മമത നിഷേധിച്ചിരുന്നു. നാനാത്വത്തില് ഏകത്വം എന്നതാണ് സംസ്ഥാനത്തിന്റെ ആപ്തവാക്യമെന്നും മമത വ്യക്തമാക്കി. മാള്ഡയിലെ കാലിയാചക്കില് നടക്കുന്ന സംഘര്ഷത്തെക്കുറിച്ച് കേന്ദ്രം റിപ്പോര്ട്ട് തേടിയതിന്റെ പശ്ചാത്തലത്തിലാണ് മമതയുടെ വിശദീകരണം.
മുഹമ്മദ് നബി സ്വവര്ഗ രതിക്കാരനാണെന്ന് യുപിയിലെ കമലേഷ് തിവാരിയെന്ന അഖിലഭാരതീയ ഹിന്ദുമഹാസഭനേതാവിന്റെ പരാമര്ശമാണ് അക്രമസംഭവങ്ങളിലേക്ക് നയിച്ചത്. പ്രസ്താവനയ്ക്കെതിരെ ഞായറാഴ്ച വൈകിട്ട് മാള്ഡയില് ഇദ്ര ഇ ശരീയ, അന്ജുമാന് അഹ്ലെ സുന്നത്തുള് ജമായത്ത് തുടങ്ങിയ സംഘടനകളുടെ അഭിമുഖ്യത്തില് പ്രതിഷേധ റാലി സംഘടിപ്പിച്ചു. കാളിയചക്കില് സംഘടിപ്പിച്ച റാലി വന് സംഘര്ഷത്തിലാണ് കലാശിച്ചത്.
കാലിയാചാക്കില് പോലീസ് സ്റ്റേഷന് കത്തിച്ച ആക്രമികള് ബ്ളോക്ക് വികസന ഓഫീസും പൊതുസ്ഥാപനങ്ങളും തകര്ത്തു. സ്വകാര്യ, സര്ക്കാര് ബസുകളും മറ്റു വാഹനങ്ങളും കത്തിച്ച അക്രമികള് ബിഎസ്എഫ് വാഹനങ്ങളും അഗ്നിക്കിരയാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
