ദേശീയ അന്വേഷണ ഏജന്‍സി നടത്തിയ അന്വേഷണത്തില്‍ പാക്കിസ്ഥാനില്‍നിന്നെത്തിയ തീവ്രവാദികള്‍ക്ക് പത്താന്‍കോട്ട് വ്യോമസേനാ താവളം ആക്രമിക്കാന്‍ ഇന്ത്യയിലെത്തിയശേഷമാണു സൈനിക യൂണിഫോമും വാക്കി ടോക്കികളും ലഭിച്ചതെന്ന്‌ സൂചന. തീവ്രവാദികള്‍ക്കു വഴികാട്ടാന്‍ സഹായിച്ച വിധത്തില്‍ പത്താന്‍കോട്ടിന്റെ ഭൂപടം പഞ്ചാബ് പൊലീസ് ഓഫിസറുടെ വാഹനത്തില്‍ കണ്ടതും എന്‍ഐഎ അന്വേഷിച്ചുവരികയാണ്. ഇതെല്ലാം വ്യക്തമാക്കുന്നതു പാക്കിസ്ഥാനില്‍നിന്നെത്തിയ തീവ്രവാദികള്‍ക്കു വ്യോമസേനാ താവളത്തില്‍ നിന്നോ ഇതിന്റെ സമീപ പ്രദേശത്ത് നിന്നോ സഹായം ലഭിച്ചു എന്നാണ്. തീവ്രവാദികള്‍ ലഹരിമരുന്നു കടത്തുകാര്‍ എന്ന വ്യാജേന ഇന്ത്യയിലെത്തുകയും പിന്നീടു തങ്ങളുടെ ലക്ഷ്യം വെളിപ്പെടുത്തുകയും ചെയ്തതാണോ എന്നാണു മുഖ്യമായ മറ്റൊരന്വേഷണം.
തീവ്രവാദികളെ തിരിച്ചറിഞ്ഞതു കാരണം കൊണ്ടാകാം ആദ്യം ഇവര്‍ വാടകയ്‌ക്കെടുത്ത ഇന്നോവ കാറിന്റെ െ്രെഡവര്‍ ഇകാഖര്‍ സിങ്ങിനെ കൊലപ്പെടുത്തേണ്ടിവന്നതു. ആറു തീവ്രവാദികളില്‍ രണ്ടുപേര്‍ നേരത്തേ പത്താന്‍കോട്ട് വ്യോമസേനാ താവളത്തില്‍ കടന്നു എന്ന് വ്യക്തം. എന്‍ഐഎ, മൂന്നു പ്രാഥമികാന്വേഷണ റിപ്പോര്‍ട്ടുകളാണു ഫയല്‍ ചെയ്തിരിക്കുന്നത്. ഒന്ന്: ഗുര്‍ദാസ്പൂര്‍ എസ്പി സല്‍വീന്ദര്‍ സിങ്ങിനെയും സുഹൃത്ത് രാജേഷ് വര്‍മയെയും പാചകക്കാരന്‍ മദന്‍ ഗോപാലിനെയും തീവ്രവാദികള്‍ തട്ടിയെടുത്ത കേസ്.
രണ്ട്: തീവ്രവാദികള്‍ ആദ്യം വാടകയ്‌ക്കെടുത്ത ഇന്നോവയുടെ ഡ്രൈവര്‍ ഇകാഖര്‍ സിങ് കൊല്ലപ്പെട്ട കേസ്. മൂന്ന്: പത്താന്‍കോട്ടെ വ്യോമസേനാ താവളം തീവ്രവാദികള്‍ ആക്രമിച്ച കേസ്. ദേശീയ അന്വേഷണ ഏജന്‍സിയുടെ 20 അംഗ സംഘമാണ് അന്വേഷണം നടത്തുന്നത്. ഇവര്‍ അന്വേഷണത്തെ വിവിധ ഘട്ടങ്ങളായി തിരിച്ചിരിക്കുന്നത് ഇങ്ങനെയാണ്:
*ഇന്ത്യാ-പാക്ക് അതിര്‍ത്തിയില്‍ ബിഎസ്എഫിന്റെ കണ്ണുവെട്ടിച്ച് എങ്ങനെ തീവ്രവാദികള്‍ക്കു പഞ്ചാബിലെത്താന്‍ കഴിഞ്ഞു?
*പാക്കിസ്ഥാനില്‍നിന്നുതന്നെ തീവ്രവാദികള്‍ ഫോണില്‍ വിളിച്ചാണ് ഇകാഖര്‍ സിങ്ങിന്റെ വാഹനം ഇടപാടു ചെയ്യുന്നത്. ഈ വാഹനം ലഹരിമരുന്നു കടത്തുകാര്‍ സ്ഥിരം ഇങ്ങനെ വിളിക്കാറുണ്ടായിരുന്നോ? *എന്തിനായിരുന്നു തീവ്രവാദികള്‍ ജയ്‌ഷെ മുഹമ്മദ് എന്ന സംഘടനയുടെ കത്ത് കൈവശം കരുതിയത്? ആക്രമണത്തിനുശേഷം തങ്ങളുടെ സംഘടന തിരിച്ചറിയപ്പെടണം എന്ന് അവര്‍ ആഗ്രഹിച്ചിരുന്നു എന്നാണ് ഇതില്‍നിന്നും മനസ്സിലാക്കാന്‍ സാധിക്കുന്നത്.

*എന്തൊക്കെ ആയുധങ്ങളായിരുന്നു ഇവര്‍ കരുതിയിരുന്നത്?
*എസ്പി സല്‍വീന്ദര്‍ സിങ്ങിനെയും മഹീന്ദ്രാ എക്‌സ് യുവി വാഹനവും തട്ടിയെടുത്തതാണോ, അതോ ഇവരുമായി എസ്പിക്കു ധാരണ ഉണ്ടായിരുന്നുവോ?
*ഈ വാഹനത്തില്‍ എങ്ങനെ പത്താന്‍കോട്ടിന്റെ ഭൂപടം വന്നു?
*എസ്പിയും സംഘവും 9.30നു ദര്‍ഗയില്‍നിന്നു പോയശേഷം തട്ടിയെടുക്കുന്നതുവരെയുള്ള മൂന്നു മണിക്കൂര്‍ എവിടെയായിരുന്നു?
*തീവ്രവാദികള്‍ പഞ്ചാബിലെത്തി എന്ന സന്ദേശം ലഭിച്ചശേഷവും പഞ്ചാബ് പൊലീസ് ജാഗ്രത പുലര്‍ത്താതെ ഉദാസീനത കാണിച്ചുവോ?
*പത്താന്‍കോട്ടില്‍ വ്യോമസേനാ താവളത്തില്‍ നേരത്തേ എത്തിയ രണ്ടുപേര്‍ പിന്നീടു വന്ന നാലു തീവ്രവാദികളുമായി എങ്ങനെയാണു ബന്ധപ്പെട്ടത്?
*ഇവര്‍ക്ക് ഉള്ളില്‍നിന്ന് എന്തെങ്കിലും സഹായം ലഭിച്ചിരുന്നുവോ?
ഇവയാണു മുഖ്യമായും അന്വേഷണ വിഷയങ്ങള്‍.
കൊല്ലപ്പെട്ട തീവ്രവാദികള്‍ പാക്കിസ്ഥാനിലേക്കു നടത്തിയ ഫോണ്‍ സംഭാഷണങ്ങളുടെ റിക്കോര്‍ഡ് ചെയ്ത ഭാഗങ്ങള്‍ അന്വേഷണ ഉദ്യോഗസ്ഥന്മാര്‍ പാക്കിസ്ഥാനിലേക്ക് അയച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha