ജമ്മു കാശ്മീരിലെ കത്വയില് തുടരുന്ന ശക്തമായ ഏറ്റുമുട്ടലില് മൂന്ന് പൊലീസ് ഉദ്യോഗസ്ഥര്ക്ക് വീരമൃത്യു....
ജമ്മു കാശ്മീരിലെ കത്വയില് തുടരുന്ന ശക്തമായ ഏറ്റുമുട്ടലില് മൂന്ന് പൊലീസ് ഉദ്യോഗസ്ഥര്ക്ക് വീരമൃത്യു. താരിഖ് അഹമ്മദ്, ജസ്വന്ദ് സിംഗ്, ബല്വീന്ദര് സിംഗ് എന്നീ പൊലീസുകാരാണ് വീരമൃത്യു വരിച്ചത്.
സംയുക്ത സേന നടത്തിയ ചെറുത്തുനില്പ്പില് മൂന്ന് ഭീകരരെ വധിച്ചതായാണ് സൂചനകള്. അഞ്ച് പൊലീസുകാര്ക്കാണ് ഏറ്റുമുട്ടലില് പരിക്കേറ്റത്. കഴിഞ്ഞ അഞ്ച് ദിവസമായി മേഖലയില് ഭീകരവിരുദ്ധ ഓപ്പറേഷന് നടന്നുവരുന്നു.
രാജ്ബാഗിലെ ജാഖോലെയില് സുരക്ഷാസേന ഭീകരരെ കണ്ടതോടെയാണ് ഏറ്റുമുട്ടല് ആരംഭിച്ചത്. ഞായറാഴ്ച രാവിലെ,ഹിര നഗറില് നിന്ന് ഏകദേശം 30 കിലോമീറ്റര് അകലെ സുരക്ഷാസേന ഭീകരരെ കണ്ടെത്തിയിട്ടുണ്ടായിരുന്നു. അതേസമയം,പ്രദേശത്തേക്ക് കൂടുതല് സേനയെ അയച്ചിട്ടുണ്ടെന്നും സ്ഥലത്ത് വെടിവയ്പ്പ് തുടരുകയാണെന്നും ഉദ്യോഗസ്ഥര് . ഞായറാഴ്ച സുരക്ഷാ സേനയുമായി ഏറ്റുമുട്ടിയ അതേ സംഘമാണെന്നാണ് നിഗമനത്തിലുള്ളത്.
https://www.facebook.com/Malayalivartha
