ഡൽഹിയിൽ നടക്കുന്ന അന്താരാഷ്ട്ര വ്യാപാര മേളയിലെ കേരളത്തിന്റെ പവിലിയൻ ഉദ്ഘാടനം ചെയ്ത് മുഖ്യമന്ത്രി പിണറായി വിജയൻ . ഭാരത് മണ്ഡപത്തിൽ (പ്രഗതി മൈതാൻ) നവംബർ 14 മുതൽ 27 വരെയാണ് അന്താരാഷ്ട്ര വ്യാപാരമേള നടക്കുന്നത്.

നാലാം നമ്പർ ഹാളിലാണ് 299 ചതുരശ്ര മീറ്റർ വിസ്തീർണമുള്ള കേരള പവിലിയൻ. പ്രദർശന നഗരിയിലെ 27 സ്റ്റാളുകളും മുഖ്യമന്ത്രി പിണറായി വിജയൻ സന്ദർശിക്കുകയും ചെയ്തു. ഇൻഫർമേഷൻ പബ്ലിക് റിലേഷൻസ് വകുപ്പാണ് പവിലിയന്റെ മേൽനോട്ടം വഹിക്കുന്നത്.

കേരളത്തിന്റെ ഡൽഹിയിലെ പ്രത്യേക പ്രതിനിധി കെ.വി. തോമസ്, കേരള ഹൗസ് റെസിഡന്റ് കമീഷണർ പുനീത് കുമാർ, ഐ ആൻഡ് പി.ആർ.ഡി ഡയറക്ടർ ടി.വി. സുഭാഷ്, കേരള ഹൗസ് അഡീഷനൽ റെസിഡന്റ് കമീഷണർ ഡോ. അശ്വതി ശ്രീനിവാസ്, പി.ആർ.ഡി അഡീഷനൽ ഡയറക്ടർമാരായ വി.പി. പ്രമോദ്കുമാർ, കെ.പി. സരിത തുടങ്ങിയവർ ഉദ്ഘാടന ചടങ്ങിൽ പ​ങ്കെടുക്കുകയും ചെയ്തു.