കേരളവും തമിഴ്നാടും ബംഗാളും അടുത്ത വര്ഷം തിരഞ്ഞെടുപ്പിലേക്ക് പോകും..ഇനി തങ്ങള് പിടിച്ചെടുക്കുക ബംഗാളാണെന്ന് പ്രധാനമന്ത്രി നരേന്ദ്ര മോദി..ബിജെപിയുടെ അടുത്ത ലക്ഷ്യം ബംഗാള്..
കേരളവും തമിഴ്നാടും ബംഗാളും അടുത്ത വര്ഷം തിരഞ്ഞെടുപ്പിലേക്ക് പോകും. ഈ മൂന്നിടത്തും ബിജെപി ഭരണമില്ല. അപ്പോഴും ഇനി തങ്ങള് പിടിച്ചെടുക്കുക ബംഗാളാണെന്ന് പ്രധാനമന്ത്രി നരേന്ദ്ര മോദി പറയുന്നു. എന്ഡിഎയ്ക്ക് കാലു കുത്താന് കഴിയാത്ത ദക്ഷിണേന്ത്യയ്ക്ക് പുറത്തുള്ള സംസ്ഥാനങ്ങളാണ് ബിജെപിയുടെ പ്രഥമ പരിഗണനയെന്നതിന്റെ സൂചനയാണ് ഇത്.
ബീഹാറിലെ വിജയം കേരളത്തിലും പ്രതിഫലിക്കണമെന്ന് സംസ്ഥാന ഘടകത്തിന് കേന്ദ്ര നേതാക്കളില് നിന്നും നിര്ദ്ദേശം. തദ്ദേശ തിരഞ്ഞെടുപ്പില് അടക്കം ഇത് പ്രതിഫലിക്കണമെന്നാണ് ആവശ്യം. ബംഗാളില് ഭരണം പിടിക്കാന് ബീഹാറിലെ തൂത്തുവാരല് സഹായിക്കുമെന്നാണ് ബിജെപിയുടെ വിലയിരുത്തല്. അതിന് വേണ്ടി പ്രചരണവും നടത്തും. ഇതിനൊപ്പം കേരളത്തിലും തമിഴ്നാട്ടിലും വോട്ടുശതമാനം വര്ധിപ്പിക്കാനും ഏതാനും സീറ്റുകളെങ്കിലും പോക്കറ്റിലാക്കാനും ബിജെപി ശ്രമിക്കും.
മുന്നണി സംവിധാനം വിപൂലീകരിക്കും. ഒരു പ്രധാന കോണ്ഗ്രസ് നേതാവ് ബിജെപിയോട് അടുക്കുമെന്നും സൂചനയുണ്ട്. പുതിയ പാര്ട്ടിയുണ്ടാക്കി ഘടകകക്ഷിയായി എത്തുമെന്നാണ് കേരളത്തിലെ ബിജെപി നേതാക്കള് അടക്കം പ്രതീക്ഷിക്കുന്നത്.ബീഹാറിലെ വിജയാവേശത്തില് താമസിയാതെ ബംഗാള് ഓപ്പറേഷന് ബിജെപി ഇറങ്ങും. പ്രധാനമന്ത്രി മോദി തന്നെ നേതൃത്വം നല്കും.കേന്ദ്ര ആഭ്യന്തര മന്ത്രി അമിത് ഷാ ഇനി ബംഗാളിലെ ചുമതലയിലേക്ക് പോകും. കഴിയുന്നത്ര ആളുകളെ ചേര്ത്ത നിര്ത്തി ബംഗാളില് ഭരണം പിടിച്ചെടുക്കുകയാകും ലക്ഷ്യം.
അടുത്ത വര്ഷ ബിജെപി അജണ്ടയില് കേരളവും തമിഴ്നാടും ഇല്ലെന്ന വസ്തുത കൂടിയാണ് തെളിയുന്നത്.ബിഹാറിനു പിന്നാലെ ബംഗാളിലെ ജംഗിള് രാജ് ഭരണവും ബിജെപി പിഴുതെറിയും. ഗംഗ ബിഹാറിലൂടെ ഒഴുകി ബംഗാളിലാണെത്തുന്നത്. ബംഗാളിലെ ബിജെപി വിജയത്തിന് ബിഹാര് വഴിയൊരുക്കിയിരിക്കുന്നു. ഇനി ബംഗാളിലെ സഹോദരങ്ങളോടൊപ്പം ചേര്ന്ന് പശ്ചിമബംഗാളില്നിന്ന് ബിജെപി ജംഗിള് രാജ് പിഴുതെറിയുമെന്നും മോദി പറഞ്ഞു. ഉപതിരഞ്ഞെടുപ്പില് ബിജെപി സ്ഥാനാര്ഥികളെ വിജയിപ്പിച്ച
ജമ്മു കശ്മീരിലെ നഗരോത, ഒഡിഷയിലെ നോപാദ മണ്ഡലങ്ങളിലെ വോട്ടര്മാര്ക്കും മോദി നന്ദി പറഞ്ഞു. അതായത് ഗംഗയെന്ന വികാരം ചര്ച്ചയാക്കി ബീഹാറും പിടിക്കുക. ഗംഗയൊഴുകുന്ന മണ്ണില് എല്ലാം ബിജെപി ഭരണം ഉറപ്പാക്കുക ഇതാണ് മോദിയുടെ പ്ലാന്.
https://www.facebook.com/Malayalivartha
