രാജ്യതലസ്ഥാനത്ത് വായുവിന്റെ ​ഗുണനിലവാരം വളരെ മോശം അവസ്ഥയിൽ തുടരുകയാണ്. രാവിലെയുള്ള കണക്ക് പ്രകാരം, വായുവിന്റെ ഗുണനിലവാരം 323 ആണ്. നഗരത്തിലുടനീളമുള്ള 30 സ്റ്റേഷനുകൾ 'വളരെ മോശം' നിലയാണ് റിപ്പോർട്ട് ചെയ്തത്. ബവാനയിലാണ് ഏറ്റവും ഉയർന്ന എക്യുഐ രേഖപ്പെടുത്തിയത്. 373 ആണ് ഇവിടെ വായു ​ഗുണനിലവാരം.

കേന്ദ്ര മലിനീകരണ നിയന്ത്രണ ബോർഡിന്റെ (സിപിസിബി) കണക്കനുസരിച്ച്, 0 നും 50 നും ഇടയിലുള്ള ഒരു AQI 'നല്ലത്', 51 മുതൽ 100 ​​വരെ 'തൃപ്തികരം', 101 മുതൽ 200 വരെ 'മിതമായത്', 201 മുതൽ 300 വരെ 'മോശം', 301 മുതൽ 400 വരെ 'വളരെ മോശം', 401 മുതൽ 500 വരെ 'ഗുരുതരം' എന്നിങ്ങനെയാണ് തരംതിരിച്ചിരിക്കുന്നത്.
അതേസമയം ഇന്ന് ഡൽഹിയിൽ തണുപ്പ് നിറഞ്ഞ കാലാവസ്ഥയ്ക്ക് സാധ്യതയുണ്ടെന്നാണ് ഐഎംഡി റിപ്പോർട്ട്. കുറഞ്ഞ താപനില 5.6 ഡിഗ്രി സെൽഷ്യസിൽ എത്തി. ഇത് സാധാരണയേക്കാൾ 3.9 ഡിഗ്രി കുറവാണ്.