ഇന്ഡിഗോ പ്രതിസന്ധിയില് ഇടപെട്ട് പ്രധാനമന്ത്രി
ഇന്ഡിഗോ പ്രശ്നം വ്യോമയാന മന്ത്രാലയം പ്രധാനമന്ത്രിയെ ധരിപ്പിച്ചു. ക്യാന്സലേഷന് റീഫണ്ട് നേരിട്ട് അക്കൗണ്ടുകളില് എത്തുമെന്ന് ഇന്ഡിഗോ അറിയിച്ചു. ഇന്ഡിഗോ അധികൃതരെ വ്യോമയാന മന്ത്രാലയം വിളിപ്പിച്ചു. 6 മണിക്ക് ഹാജരാകാനാണ് നിര്ദേശം. ഇന്ഡിഗോക്ക് പിഴ ചുമത്താനും ആലോചന.
പുതിയ വിമാന നിരക്കുകള് വ്യോമയാന മന്ത്രാലയം പ്രഖ്യാപിച്ചു. 500 കിലോമീറ്റര് പരിധിക്ക് ഈടാക്കാന് ആക്കുന്നത് പരമാവധി 7500 രൂപ. 5001000കിലോമീറ്റര് ദൂരത്തിനു പരമാവധി 12000 രൂപ. 1000 1500 കിലോമീറ്റര് വരെ പരമാവധി 15000 രൂപ എന്നിവയാണ് നിരക്ക്. നിശ്ചയിച്ച പരിധിക്ക് അപ്പുറം വിമാനക്കമ്പനികള്ക്ക് ഈടാക്കാന് ആകില്ല. ബിസിനസ്സ് ക്ലാസ്സ്, ഉഡാന് സര്വീസുകള്ക്ക് പരിധി ബാധകമല്ല.
ഇന്ഡിഗോ പ്രതിസന്ധി രൂക്ഷമായി തുടരുന്ന സാഹചര്യത്തില് വിമാന ടിക്കറ്റുകളുടെ അധികനിരക്കില് വ്യോമയാന മന്ത്രാലയം ഇടപെട്ടു. നിലവിലെ സാഹചര്യത്തില് നിരക്ക് വര്ധന ഒഴിവാക്കണമെന്ന് വിമാന കമ്പനികള്ക്ക് നിര്ദേശം നല്കി. മുന് നിശ്ചയിച്ച നിരക്ക് പരിധികള് കര്ശനമായി പാലിക്കണമെന്നും പുറപ്പെടുവിച്ച നിര്ദേശത്തില് വ്യക്തമാക്കുന്നുണ്ട്.
സ്ഥിതി പൂര്വസ്ഥിതിയില് ആകുന്നത് വരെ മുന് നിശ്ചയിച്ച നിരക്കുകളില് തുടരണം എന്നാണ് ആവശ്യം. വിമാന ടിക്കറ്റ് നിരക്ക് മന്ത്രാലയം സൂക്ഷ്മമായി നിരീക്ഷിക്കുമെന്നും അറിയിച്ചിട്ടുണ്ട്. നിര്ദേശിച്ച മാനദണ്ഡങ്ങളില് നിന്ന് വ്യതിചലിച്ചാല് നടപടി സ്വീകരിക്കുമെന്നും മുന്നറിയിപ്പ് നല്കി.
https://www.facebook.com/Malayalivartha
