ഇന്ഡിഗോ പ്രതിസന്ധിയില് കേന്ദ്ര സര്ക്കാരിനെ വിമര്ശിച്ച് ഡല്ഹി ഹൈക്കോടതി
ഇന്ഡിഗോ സര്വീസുകള് കൂട്ടത്തോടെ റദ്ദാക്കിയതിനെത്തുടര്ന്നുണ്ടായ പ്രതിസന്ധിയില് കേന്ദ്രസര്ക്കാരിനെ ഡല്ഹി ഹൈക്കോടതി രൂക്ഷമായി വിമര്ശിച്ചു. വിമാനനിരക്ക് ഉയര്ന്നത് ഏകീകരിക്കാന് സര്ക്കാരിനായില്ലെന്നു വ്യക്തമാക്കിയ കോടതി യാത്രക്കാര്ക്ക് നഷ്ടപരിഹാരം വേഗത്തില് നല്കണമെന്നും കോടതി പറഞ്ഞു.
ഇന്ഡിഗോ വിമാന സര്വീസ് വെട്ടിക്കുറച്ചത് യാത്രക്കാര്ക്ക് അസൗകര്യമാവുക മാത്രമല്ല, വലിയ സാമ്പത്തിക ആഘാതമായെന്നും കോടതി പറഞ്ഞു. വിമാനത്താവളങ്ങളില് കുടുങ്ങിയ യാത്രക്കാര്ക്ക് എത്രയും വേഗം നഷ്ടപരിഹാരം നല്കാന് വ്യോമയാന മന്ത്രാലയം, ഡിജിസിഎ, ഇന്ഡിഗോ എന്നിവര് മതിയായ നടപടികള് സ്വീകരിക്കുമെന്ന് പ്രതീക്ഷിക്കുന്നെന്നും ഹൈക്കോടതി പറഞ്ഞു. പ്രതിസന്ധി ഉണ്ടായതിന് ശേഷം നടപടി സ്വീകരിച്ച സര്ക്കാര് നിലപാടാണ് പ്രശ്നത്തിന്റ ആക്കം കൂട്ടിയതെന്നും ഹൈക്കോടതി വ്യക്തമാക്കി.
''ഒരു പ്രതിസന്ധിയുണ്ടായാല് എങ്ങനെയാണ് മറ്റു വിമാനക്കമ്പനികള് അതില് നേട്ടം കൊയ്യുക? എങ്ങനെയാണ് ടിക്കറ്റ് നിരക്ക് 35,000–40,000 ആയി ഉയരുക? സ്ഥിതിഗതികള് വഷളാകാന് നിങ്ങള് അനുവദിച്ചു. ഇത്തരം സാഹചര്യം യാത്രക്കാര്ക്ക് ബുദ്ധിമുട്ട് മാത്രമല്ല, സാമ്പത്തിക പ്രതിസന്ധി കൂടി സൃഷ്ടിച്ചു'' കേന്ദ്രസര്ക്കാരിനെ വിമര്ശിച്ച് കോടതി പറഞ്ഞു.
https://www.facebook.com/Malayalivartha
