തിരുപ്പോരൂരിൽ മെഡിക്കൽ വിദ്യാർഥികൾ സഞ്ചരിച്ച കാർ നിർത്തിയിട്ടിരുന്ന തടി ലോറിയിലേക്ക് ഇടിച്ചു കയറി വിദ്യാർഥിനിക്ക് ദാരുണാന്ത്യം. രണ്ട് മലയാളി വിദ്യാർഥികൾക്ക് ഗുരുതര പരുക്ക്. ക്രോംപേട്ടിലെ ബാലാജി മെഡിക്കൽ കോളേജിൽ മൂന്നാം വർഷ അലൈഡ് ഹെൽത്ത് സയൻസസ് വിദ്യാർഥിനിയും വെല്ലൂർ സ്വദേശിനിയുമായ മിസ്ബ ഫാത്തിമ (21)യാണു മരിച്ചത്.

മലയാളികളായ നവ്യ (21), മുഹമ്മദ് അലി (21) എന്നിവരെ ഗുരുതര പരുക്കുകളോടെ ചെന്നൈയിലെ സ്വകാര്യ ആശുപത്രിയിൽ പ്രവേശിപ്പിച്ചു. 10 വിദ്യാർഥികൾ രണ്ട് കാറുകളിലായി മഹാബലിപുരത്ത് പോയി തിരിച്ചുവരുന്നതിനിടെ പുലർ‌ച്ചെ മൂന്നിനാണ് അപകടം സംഭവിച്ചത്.

മിസ്ബ സംഭവ സ്ഥലത്തു തന്നെ മരണമടഞ്ഞു, എതിരെ വരുന്ന വാഹനങ്ങൾക്ക് അപകടമുണ്ടാക്കുന്ന തരത്തിലാണ് ലോറി പാർക്ക് ചെയ്തിരുന്നത്. പരിക്കേറ്റ വിദ്യാർഥികളുടെ നില ഇപ്പോഴും ഗുരുതരമായി തുടരുകയാണെന്ന് പൊലീസ് .