വിജയ്യെ മുഖ്യമന്ത്രി സ്ഥാനാര്ഥിയായി അംഗീകരിക്കുന്ന ആരുമായും സഖ്യമുണ്ടാക്കുമെന്ന് പാര്ട്ടി
തിരഞ്ഞെടുപ്പു സഖ്യ ചര്ച്ചകള് സജീവമാക്കാനുള്ള നീക്കവുമായി തമിഴക വെട്രി കഴകം (ടിവികെ). പാര്ട്ടി അധ്യക്ഷന് വിജയ്യെ മുഖ്യമന്ത്രി സ്ഥാനാര്ഥിയായി അംഗീകരിക്കുന്ന ആരുമായും സഖ്യമുണ്ടാക്കുമെന്ന് പാര്ട്ടി നേതൃയോഗം തീരുമാനിച്ചു. സഖ്യചര്ച്ചകള്ക്കു പുതിയ സമിതിയെ നിയോഗിച്ചു. എന്നാല് മുന്നണി സംബന്ധിച്ച് അന്തിമ തീരുമാനം വിജയ്യുടേതാണ്. പനയൂരില് ടിവികെ ജില്ലാ അധ്യക്ഷന്മാരുടെ യോഗത്തിലായിരുന്നു തീരുമാനം. വിജയ്യുടെ സംസ്ഥാന പര്യടനം തുടരും.
16 ന് ഈറോഡ് പൊതുയോഗം നടത്താനാണ് ടിവികെ നീക്കം. ആദ്യം അപേക്ഷ നല്കിയ സ്ഥലത്ത് പൊലീസ് അനുമതി നല്കിയില്ല. മറ്റൊരിടം കണ്ടെത്തി അറിയിക്കാന് നിര്ദേശിക്കുകയായിരുന്നു. ഇതേത്തുടര്ന്ന് മറ്റൊരു സ്ഥലം കണ്ടെത്തി അപേക്ഷ നല്കി. ഇതിനിടെ, 27 വര്ഷത്തോളം വിജയ്യുടെ പിആര്ഒ ആയിരുന്ന പി.ടി.സെല്വകുമാര് ഡിഎംകെയില് ചേര്ന്നു. വിജയ്യുടെ ഏകാധിപത്യമാണു ടിവികെയിലെന്നും പിതാവ് എസ്.എ.ചന്ദ്രശേഖറിനു പോലും വേണ്ട പ്രാധാന്യം ലഭിക്കുന്നില്ലെന്നും സെല്വകുമാര് കുറ്റപ്പെടുത്തി.
https://www.facebook.com/Malayalivartha
