കുപ്രസിദ്ധ കുറ്റവാളി ബാലമുരുകന്റെ ഭാര്യ ആത്മഹത്യയ്ക്ക് ശ്രമിച്ച് ചികിത്സയിലിരിക്കെ മരിച്ചു. തെങ്കാശി സ്വദേശിനി ജോസ്ബിന്‍ (35) മരിച്ചത്. തെങ്കാശിയിലെ കടയത്തുമലയുടെ ഇടുക്കില്‍ വീണ ബാലമുരുകനെ കുറിച്ച് വിവരമുണ്ടായിരുന്നില്ല.ഇതിന് പിന്നാലെ എട്ടാം തീയതി ഭാര്യയും മക്കളും ആത്മഹത്യക്ക് ശ്രമിക്കുകയായിരുന്നു.തിരുനെല്‍വേലി മെഡിക്കല്‍ കോളേജില്‍ പ്രവേശിപ്പിച്ച ഭാര്യ ചികിത്സയിലിരിക്കെ മരിച്ചു.

രണ്ടു മക്കള്‍ ചികിത്സയില്‍ തുടരുന്നു. കടയത്ത്മലയില്‍ നിന്ന് ബാലമുരുകന്‍ രക്ഷപ്പെട്ടു എന്നാണ് പോലീസ് വിലയിരുത്തല്‍. അതേസമയം തിരുനല്‍വേലി മെഡിക്കല്‍ കോളേജ് ആശുപത്രിയിലുള്ള ഭാര്യയുടെ മൃതദേഹം ഇതുവരെയും ബന്ധുക്കള്‍ ഏറ്റുവാങ്ങിയില്ല. മൃതദേഹം ഏറ്റുവാങ്ങാന്‍ ബാലമുരുകന്‍ എത്തിയാല്‍ പിടികൂടാന്‍ തമിഴ്‌നാട് പോലീസ് ആശുപത്രിയില്‍ കാത്തുനില്‍ക്കുന്നു.