നോട്ടു നിരോധനം: ഹര്ജികള് ഇന്ന് സുപ്രീം കോടതി പരിഗണനയില്
നോട്ടുകള് അസാധുവാക്കിയ കേന്ദ്ര സര്ക്കാര് തീരുമാനത്തിന്റെ ഭരണഘടനാ സാധുത പരിശോധിക്കണമെന്നത് ഉള്പ്പെടെയുള്ള ഹര്ജികള് ഇന്നു സുപ്രീം കോടതി പരിഗണിക്കും. ചീഫ് ജസ്റ്റിസ് ടി.എസ്. താക്കൂര് അധ്യക്ഷനായ ബെഞ്ചാണു ഹര്ജികളില് വാദംകേള്ക്കുക.
ഭരണഘടനാ ബെഞ്ചിനു കേസ് കൈമാറേണ്ടതുണ്ടോ എന്നും, ഈ വിഷയത്തില് വിവിധ ഹൈക്കോടതികളിലുള്ള ഹര്ജികള് സുപ്രീം കോടതിയിലെ ഒരു ബെഞ്ചിലേക്കു മാറ്റണോ എന്ന കാര്യവും പരിഗണിക്കും.നോട്ട് അസാധുവാക്കിയ സര്ക്കാര് നടപടിയിലെ ഭരണഘടനാ സാധുത, നോട്ട് നിരോധിക്കുമ്പോഴുള്ള നടപടിക്രമങ്ങള് പാലിച്ചോ, സര്ക്കാര് തീരുമാനം ജനങ്ങള്ക്കുണ്ടാക്കിയ ബുദ്ധിമുട്ട് എന്നീ കാര്യങ്ങളും ഇന്നു കോടതി പ്രധാന പരിഗണനാ വിഷയമാക്കും.
നോട്ട് നിരോധനത്തിന്റെ ഭരണഘടനാ സാധുത ചോദ്യംചെയ്യുന്ന ഹര്ജിയില് സി.പി.എമ്മും കക്ഷിചേര്ന്നിട്ടുണ്ട്. നോട്ട് നിരോധനവുമായി ബന്ധപ്പെട്ട് നിലവില് സുപ്രീം കോടതിയില് നിരവധി കേസുകളാണുള്ളത്.വിവിധ ഹൈക്കോടതികളിലുള്ള 15 ഹര്ജികള് സ്റ്റേ ചെയ്യണമെന്ന കേന്ദ്രത്തിന്റെ ആവശ്യം, പണം നിക്ഷേപിക്കുന്നതും പിന്വലിക്കുന്നതും സംബന്ധിച്ചു റിസര്വ് ബാങ്ക് ഏര്പ്പെടുത്തിയ നിയന്ത്രണങ്ങള് ചോദ്യംചെയ്ത് കേരളത്തിലെ 14 ജില്ലാസഹകരണ ബാങ്കുകള് നല്കിയ ഹര്ജി, 100 രൂപയ്ക്കു മുകളിലുള്ള എല്ലാ നോട്ടുകളും പിന്വലിക്കണമെന്നാവശ്യപ്പെട്ട് ബി.ജെ.പി. നേതാവ് അശ്വനി ഉപാധ്യായ നല്കിയ ഹര്ജി, തമിഴ്നാട്ടിലെ സഹകരണ ബാങ്കുകളടക്കമുള്ളവര് നല്കിയ ഹര്ജി എന്നിവ ഇന്ന് ഒന്നിച്ചാകും കോടതി പരിഗണിക്കുക.
ഹര്ജിക്കാര്ക്കുവേണ്ടി മുതിര്ന്ന അഭിഭാഷകന് കപില് സിബലും കേന്ദ്ര സര്ക്കാരിനു വേണ്ടി അറ്റോര്ണി ജനറല് മുകുള് റോത്തഗിയും ഹാജരാകും.
https://www.facebook.com/Malayalivartha
