നോട്ടു പ്രതിസന്ധി സഹകരണബാങ്കുകള് സമര്പ്പിച്ച ഹര്ജി ഇന്ന് സുപ്രീം കോടതി പരിഗണനയില്
റിസര്വ് ബാങ്ക് ഏര്പ്പെടുത്തിയ നിയന്ത്രണങ്ങള് നീക്കണമെന്നാവശ്യപ്പെട്ട് കേരളമടക്കം സംസ്ഥാനങ്ങളിലെ സഹകരണബാങ്കുകള് സമര്പ്പിച്ച ഹര്ജികള് ഇന്ന് സുപ്രീംകോടതി പരിഗണിക്കും. ചീഫ് ജസ്റ്റിസ് ടി.എസ്.ഠാക്കൂര് അധ്യക്ഷനായ ബെഞ്ച് ഉച്ചയ്ക്ക് രണ്ടുമണിക്കാണ് ഹര്ജികളില് വാദം കേള്ക്കുന്നത്. നോട്ടുകള് അസാധുവാക്കിയ നടപടി ചോദ്യം ചെയ്ത് സമര്പ്പിച്ച പൊതുതാല്പര്യഹര്ജികളും കോടതി പരിഗണിക്കും.
ജില്ലാ സഹകരണബാങ്കുകള് മാനദണ്ഡങ്ങള് പാലിച്ചല്ല പ്രവര്ത്തിക്കുന്നതെന്ന് കേന്ദ്രസര്ക്കാര് സുപ്രീംകോടതിയില് റിപ്പോര്ട്ട് നല്കിയിരുന്നു. എന്നാല് ജില്ലാ സഹകരണബാങ്കുകള് കെവൈസി അടക്കം മാനദണ്ഡങ്ങള് കൃത്യമായി പാലിക്കുന്നുവെന്ന നബാര്ഡ് റിപ്പോര്ട്ട് ചൂണ്ടിക്കാട്ടിയാകും സഹകരണബാങ്കുകള് പ്രതിരോധിക്കുക. മാനദണ്ഡങ്ങള് പാലിക്കാത്തതിന് പിഴയിട്ട പൊതുമേഖലാ ബാങ്കുകള്ക്ക് പണമിടപാടിന് അനുമതി നല്കിയതിന്റെ ഇരട്ടത്താപ്പും സഹകരണബാങ്കുകള് ചൂണ്ടികാണിക്കും. കളളനോട്ടുകള് കണ്ടുപിടിക്കാന് സൗകര്യമുണ്ടെന്നും സുപ്രീംകോടതിയെ ബോധിപ്പിക്കും.
റിസര്വ് ബാങ്കിന്റെ നിയന്ത്രണങ്ങള് ഉടന് നീക്കണമെന്നാണ് സഹകരണബാങ്കുകളുടെ ആവശ്യം. ഇരുവശവും വിശദമായി കേള്ക്കാമെന്ന് ചീഫ് ജസ്റ്റിസ് ടി.എസ്.ഠാക്കൂര് കഴിഞ്ഞതവണ ഉറപ്പുനല്കിയിരുന്നു. നോട്ടുകള് അസാധുവാക്കിയ നടപടിക്കെതിരെ സിപിഎം ജനറല് സെക്രട്ടറി സീതാറാം യെച്ചൂരി അടക്കമുളളവര് സമര്പ്പിച്ച പൊതുതാല്പര്യഹര്ജികള് പരിഗണിക്കുന്ന കോടതി,, കേന്ദ്രനടപടിയുടെ ഭരണഘടനാസാധുതയും പരിശോധിച്ചേക്കും
https://www.facebook.com/Malayalivartha
