സച്ചിനും ചിരഞ്ജീവിക്കും രേഖയ്ക്കും പാര്ലമെന്റില് എത്താന് സമയമില്ല; എന്തിനിങ്ങനെ ചിലരെ തീറ്റി പോറ്റുന്നു? എല്ലാ സെഷനിലും പങ്കെടുത്ത് മേരി കോമും ശബാന ആസ്മിയും
രാജ്യസഭയിലേക്ക് നോമിനേറ്റ് ചെയ്യപ്പെട്ട ചിലര്ക്ക് പാര്ലമെന്റില് പോകാന് സമയമില്ല. നിരവധി കലാമൂല്യമുള്ള അംഗങ്ങള് ഉണ്ട് ഇപ്പോള് രാജ്യത്തെ പാര്ലമെന്റ് അംഗങ്ങളായി. ഒരു ഡസനിലേറെ അംഗങ്ങളാണ് നിയമനിര്മ്മാണ സഭയിലേക്ക് രാജ്യത്തെ പ്രമുഖര്ക്കിടയില് നിന്ന് നോമിമേറ്റ് ചെയ്യപ്പെട്ടിട്ടുള്ളത്. ഇവരില് പലര്ക്കും രാജ്യത്തെ ബാധിക്കുന്ന സുപ്രധാന കാര്യങ്ങള് തീരുമാനിക്കപ്പെടുന്ന സഭയുടെ നടപടികളില് താല്പര്യമില്ലെന്നാണ് കണക്കുകള് സൂചന നല്കുന്നത്. താര മൂല്യം കൊണ്ടുതന്നെ തിരഞ്ഞെടുപ്പില് സീറ്റ് ലഭിക്കുകയും സഭയില് എത്തുകയും ചെയ്തവരുടേയും കാര്യങ്ങള് ഇതുതന്നെ.
എംപിയുടെ പദവിയും പത്രാസും ലഭിക്കുന്നതിലുപരി പലര്ക്കും സഭയില് ഓരോ വിഷയത്തിലും സംസാരിക്കാനോ ഇടപെടലുകള് നടത്താനോ താല്പര്യമില്ല. പ്രശസ്ത ക്രിക്കറ്റ് താരമായ സച്ചിന് ടെന്ഡുല്ക്കര് അവസാനമായി നടന്ന മണ്സൂണ് സെഷനിലെ 20 സിറ്റിങ്ങുകളില് മൂന്നു സിറ്റിംഗിന് മാത്രമാണ് ഹാജരായത്. ഇപ്പോഴത്തെ ശീതകാല സമ്മേളനത്തിനാകട്ടെ ആകെ ഒരുദിവസമാണ് സച്ചിന് എത്തിയത്. തെന്നിന്ത്യന് സൂപ്പര് സ്റ്റാറായ ചിരഞ്ജീവിയും ബോളിവുഡ് താരം രേഖയും മണ്സൂണ് സെഷനിലെത്തിയത് ഓരോ ദിവസം മാത്രം. ഇവരുടെ ശീതകാല സെഷനിലെ ഹാജര് ലഭ്യമല്ല.
ഇത്തരത്തില് ചിലരുടെ ഹാജര് പാര്ലമെന്റ് വെബ്സൈറ്റില് ലഭ്യമല്ലാത്തതും ചര്ച്ചയായിട്ടുണ്ട്. നടന് മിഥുന് ചക്രവര്ത്തിയുടേതുള്പ്പെടെ ചിലരുടെ അറ്റന്ഡന്സ് ലഭ്യമല്ല. ഇത്തരത്തില് താരമൂല്യമുള്ളവരുടെ പലരുടേയും ഹാജര് നില കുറയുന്നത് 'നരേന്ദ്ര മോദി ഇഫക്ട്' ആണോയെന്ന ചോദ്യവും ഉയരുന്നു. നരേന്ദ്ര മോദിയും പാര്ലമെന്റില് സ്ഥിരമായി പങ്കെടുക്കാറില്ലെന്നത് നേരത്തെ മുതലേ ചര്ച്ചയാണ്.
ബിജെപി എംപിയായ ഹേമമാലിനിക്ക് അറ്റന്ഡന്സ് വര്ഷകാല സമ്മേളനത്തില് 36 ശതമാനം മാത്രമാണെന്ന റിപ്പോര്ട്ടും ഇതോടൊപ്പം പുറത്തുവരുന്നുണ്ട്. നോമിനേറ്റ് ചെയ്യപ്പെട്ടവര്ക്ക് അവരുടെ സ്വന്തം കാര്യങ്ങള് നോക്കി നടക്കാനേ നേരമുള്ളൂ എന്ന വിമര്ശനമാണ് ഉയരുന്നത്. പക്ഷേ, വ്യവസായ ലോകത്തുനിന്ന് ഇത്തരത്തില് നോമിനേറ്റ് ചെയ്യപ്പെട്ട സമ്ബന്ന വ്യവസായി അനു ആഘ പതിമൂന്നില് പത്തുദിവസവും ഹാജരായെന്നതും ശ്രദ്ധേയമാണ്. പ്രശസ്ത ബോക്സര് ആയ മേരി കോമാകട്ടെ വിന്റര് സെഷനില് എല്ലാ ദിവസവും ഹാജരായി. സിദ്ദുവിന് പകരമെത്തിയ നടി രൂപ ഗാംഗുലിയും പതിമൂന്നില് പത്തുദിവസം ഹാജരായി.
സാമൂഹ്യ സേവനം കല, സാഹിതം, ശാസ്ത്രം തുടങ്ങിയ ഓരോ മേഖലകളിലും മികവു കാട്ടുന്നവരെയാണ് സാധാരണായി നാമനിര്ദേശത്തിന് പരിഗണിക്കുന്നത്. ഇവര് നിയമനിര്മ്മാണ പ്രക്രിയയില് സജീവ പങ്കാളിത്തം വഹിക്കുകയും തങ്ങള് പ്രഗത്ഭരായ മേഖലകളിലെ വിഷയങ്ങളും അനുഭവങ്ങളും നിയമനിര്മ്മാണ പ്രക്രിയക്ക് സഹായകമായ രീതിയില് വിനിയോഗിക്കുകയും ചെയ്യുമെന്ന പ്രത്യാശയിലാണ് ഇവരുടെ നാമനിര്ദ്ദേശം നടക്കുന്നത്. പക്ഷേ, ഇത്തരത്തില് എത്തിയ പലര്ക്കും ഇത്തരത്തില് നിയമനിര്മ്മാണത്തില് പങ്കാളിയാകാന് താല്പര്യമില്ലെന്ന സൂചനയാണ് ഹാജര്കുറവിലൂടെ വ്യക്തമാകുന്നത്.
https://www.facebook.com/Malayalivartha
