എന്നും കേരളത്തെ ദ്രോഹിച്ചു പക്ഷേ അവധിയും ദുഖാചരണവും നല്കി തമിഴകത്തെ കേരളം ഞെട്ടിച്ചു
അവസരത്തിനൊത്ത് ഉയര്ന്ന് കേരളം.അന്തരിച്ച തമിഴ്നാട് മുഖ്യമന്ത്രി ജയലളിതയോട് സംസ്ഥാനം പ്രകടിപ്പിച്ചത് പൂര്ണ്ണമായ ആദരവ്. മരണ വിവരം അറിഞ്ഞ് മണിക്കൂറുകള് ക്കുള്ളില് കേരള സര്ക്കാര് മന്ത്രിസഭാ യോഗം വിളിച്ചു കുട്ടി. മന്ത്രിസഭാ യോഗത്തിന് മുമ്പുതന്നെ സംസ്ഥാനത്ത് അവധി പ്രഖ്യാപിച്ചു.സംസ്ഥാനത്ത് മൂന്നു ദിവസത്തെ ദു:ഖാചരണം പ്രഖ്യാപിച്ചു.സര്ക്കാര് പരിപാടികള് റദ്ദാക്കി.ഇത്തരത്തില് അയലത്തെ കൂട്ടുകാരിക്ക് കേരളം സമ്പൂര്ണ്ണമായ ആദരവാണ് നല്കിയത്.ഒരിക്കലും കേരളത്തിന്റെ ഒരു നല്ല സുഹൃത്തായിരുന്നില്ല ജയലളിത. മുല്ലപെരിയാര് ഉള്പ്പെടെയുള്ള വിഷയങ്ങളില് ജയലളിത സ്വീകരിച്ചത് സംസ്ഥാന വിരുദ്ധ താത്പര്യങ്ങളായിരുന്നു. ഒരു ഘട്ടത്തില് കേരള മുഖ്യമന്ത്രിയെ കാണാന് പോലും ജയലളിത തയ്യാറായില്ല.മുല്ലപെരിയാര് വിഷയം കത്തി നിന്നപ്പോള് കേരളത്തിലേക്ക് പച്ചക്കറി വിതരണം പോലും തമിഴ്നാട് നിര്ത്തിവച്ചു. ഭക്ഷ്യവസ്തുക്കള്ക്ക് പുര്ണമായും തമിഴ്നാടിനെ ആശ്രയിച്ച് ജീവിക്കുന്നവരാണ് മലയാളികള്. തമിഴ്നാട് പണിമുടക്കിയാല് കേരളം പട്ടിണിയിലാവും. തമിഴ്നാട് സര്ക്കാരിന്റെ കേരളത്തിലുള്ള ലെയ്സന് ഓഫീസറെ പോലും കേരള സര്ക്കാര് സംശയിച്ചിട്ടുണ്ട്. അദ്ദേഹം മുല്ലപെരിയാറുമായി ബന്ധപ്പെട്ട ചില രേഖകള് കേരളത്തില് നിന്നും കടത്തിയതായി പോലും ആരോപണം ഉയര്ന്നിരുന്നു.എന്നാല് ജയയുടെ വിയോഗം സംഭവിച്ചപ്പോള് കേരളം എല്ലാം മറന്നു.അവര് ഒറ്റകെട്ടായി മലയാളത്തിന്റെ സംസ്കാരത്തിനൊത്തുയര്ന്നു.അതേസമയം കാവേരി നദീജല തര്ക്കം നിലനില്ക്കുന്ന കര്ണാടകം കേരളത്തെ പോലെ ഹൃദയവിശാലത കാണിച്ചില്ല.ജയ ജനിച്ചത് കര്ണാടകത്തില് ആയിട്ടു പോലും.അതേസമയം ഇത്തരമൊരു ഹൃദയവിശാലത തന്നെയാണ് കേരളത്തിന് അതിന് അര്ഹമായ പലതും നിഷേധിക്കാന് കാരണമായത്.. ജയയുടെ താത്പര്യങ്ങള് വ്യക്തിപരമായിരുന്നില്ലെന്ന് കേരളം മനസിലാക്കി.അവര് അവരുടെ സംസ്ഥാനത്തോട് പൂര്ണ്ണ പ്രതിബദ്ധത പുലര്ത്തിയതു കൊണ്ടാണ് നിലപാടുകള് കര്ശനമാക്കിയത്. എന്നാല് കേരളത്തിന്റെ അവസ്ഥ എന്താണ്? മാതൃഭാഷയെ അംഗീകരിക്കാന് പോലും കേരളം തയാറല്ല.ജയയോട് ആദരവ് പുലര്ത്തമ്പോള് തന്നെ അവരെ അനുകരിക്കാന് കൂടി കേരളം തയ്യാറായിരുന്നെങ്കില്....
https://www.facebook.com/Malayalivartha
