ജയലളിത തന്റെ പിന്‍ഗാമിയായി ചലച്ചിത്ര താരം അജിത്തിനെ കണ്ടിരുന്നതായി റിപ്പോര്‍ട്ട്. തന്റെ മരണം ഉറപ്പാണെന്ന് മനസിലാക്കിയ ജയ അജിത്തിനെ തനിക്കശേഷം പാര്‍ട്ടിയിലെത്തിക്കണമെന്ന് എഴുതിവച്ചിരുന്നതായി റിപ്പോര്‍ട്ടുകളുണ്ട്. അങ്ങനെ തമിഴക രാഷ്ട്രീയം വഴിത്തിരിവിലെത്തി നില്‍ക്കെ അധികം വൈകാതെ അതിനൊരു കേരള കണക്ഷന്‍ ഉണ്ടാകുമെന്ന് ഉറപ്പായി. ജയലളിതയുടെ പിന്‍ഗാമിയായി നടന്‍ അജിത്ത് എ ഐ ഡി എം കെയുടെ തലപ്പത്തെത്തുകയാണെങ്കില്‍ അജിത്തിന്റെ ഭാര്യ ശാലിനി വഴി തമിഴക രാഷ്ട്രീയത്തില്‍ മലയാളികള്‍ക്ക് ഒരു കൈ നോക്കാമെന്ന അവസ്ഥ കൈവരും.
ജയയുടെ വിശ്വസ്തനായിരുന്നു അജിത്ത്. എപ്പോള്‍ വേണമെങ്കിലും ജയയുടെ വസതിയില്‍ കയറി ചെല്ലാനുളള സ്വാതന്ത്ര്യം അജിത്തിനുണ്ടായിരുന്നു. ജയക്ക് മകനെ പോലെയായിരുന്നു അജിത്ത് . ശശികലക്കും ഏറെ വേണ്ടപ്പെട്ടവനാണ് അജിത്ത്. പനീര്‍ശെല്‍വത്തെ പോലൊരാളെ കൊണ്ട് തമിഴക ഭരണം മുന്നോട്ടു കൊണ്ടുപോകാനാകില്ലെന്ന് ജയക്ക് അറിയാമായിരുന്നു. പക്ഷെ ഇപ്പോള്‍ അജിത്തിനെ വെട്ടാനും നീക്കങ്ങള്‍ സജീവമാണ് ഇത് ചിലരുടെ വ്യക്തിതാത്പര്യം മൂലമാണെന്നും ഇത് പാര്‍ട്ടിയില്‍ വന്‍കലാപത്തിന് സാധ്യമെന്നുമാണ് പുത്തന്‍ റിപ്പോര്‍ട്ട്. പനീര്‍ ശെല്‍വത്തെ നീക്കാനും ചരടുവലികളെന്നാണ് റിപ്പോര്‍ട്ട്.
തന്നെ പിന്‍ഗാമിയായി ജയാമ്മ കരുതുന്നുണ്ടെന്ന കാര്യം അജിത്തിനറിയാമായിരുന്നു . ജയ നേരിട്ട് ഇക്കാര്യം അജിത്തിനോട് സംസാരിച്ചിട്ടുണ്ടെന്നും റിപ്പോര്‍ട്ടുണ്ട്. ജയലളിത രോഗബാധിതയായി അപ്പോളോയില്‍ കഴിയുന്ന കാലത്ത് അജിത്തിനെ മാത്രമാണ് കണ്ടിരുന്നത്. കേന്ദ്ര മന്ത്രിമാര്‍ വരെ ജയയെ കാണാതെ മടങ്ങുമ്പോഴായിരുന്നു ഇത്.
ജയലളിതയുടെ ദേഹവിയോഗം അപ്രതീക്ഷിതമായി സംഭവിക്കുമ്പോള്‍ അജിത്ത് സിനിമാ ചിത്രീകരണത്തിനു വേണ്ടി ബള്‍ഗേറിയയിലായിരുന്നു. വിവരമറിഞ്ഞ് അജിത്ത് ചെന്നൈയിലേക്ക് മടങ്ങുകയായിരുന്നു. സംസ്‌കാരത്തിനു പിറ്റേന്ന് അജിത്തം ഭാര്യയും രണ്ട് മക്കളും ജയയുടെ ശവകുടീരത്തിലെത്തി ആദരാജ്ഞലികള്‍ അര്‍പ്പിച്ചു. അദ്ദേഹം പനീര്‍ശെല്‍വത്തെ സന്ദര്‍ശിച്ച് ചര്‍ച്ചയും നടത്തി. ശശികലയെയും കണ്ടു. തമിഴ് പത്രങ്ങള്‍ ഇന്നലെയും അജിത്തിന്റെ പേര് ഉയര്‍ത്തി കാണിച്ചെങ്കിലും അദ്ദേഹം പ്രതികരിച്ചില്ല.
ജയയുടെ വില്‍പത്രം അവരുടെ അഭിഭാഷകരുടെ കൈവശമാണുള്ളത്.ശശികലക്ക് അതിലെ വിവരങ്ങള്‍ അറിയാമെങ്കിലും എല്ലാ കാര്യങ്ങളും അറിയുന്നത് അജിത്തിനു മാത്രമാണ്. ശശികല ഇന്ന് കോടീശ്വരിയാണ്.വീഡിയോ കാസറ്റ് വിറ്റാണ് അവര്‍ നേരത്തെ ഉപജീവനം കഴിച്ചിരുന്നത്.