പാ​ച​ക​വാ​ത​ക സി​ലി​ണ്ട​ർ പൊട്ടിത്തെറിച്ച് രണ്ടുനിലകെട്ടിടം തകർന്ന് വീണതിനെത്തുടർന്ന് രക്ഷപെട്ട മൂന്ന് വയസുകാരി മരിച്ചു. അ​പ​ക​ട​ത്തി​ൽ സ​ഞ്ജ​ന​യു​ടെ ഗ​ർ​ഭി​ണി​യാ​യ അ​മ്മ​യും പി​താ​വും മരിച്ചിരുന്നു. കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ അ​മ്മ​യു​ടെ മൃ​ത​ദേ​ഹ​ത്തി​ന​രു​കി​ലി​രു​ന്നു ക​ര​യു​ക​യാ​യി​രു​ന്ന കു​ട്ടി​യെ ര​ക്ഷാ​പ്ര​വ​ർ​ത്ത​ക​ർ ക​ണ്ടെത്തുകയും ആ​ശു​പ​ത്രി​യി​ൽ എത്തിക്കുകയും ചെയ്തിരുന്നു. ബം​ഗ​ളൂ​രു വി​ക്ടോ​റി​യ ആ​ശു​പ​ത്രി​യി​ൽ ചികിത്സയിലായിരിക്കെയാണ് മരിച്ചത്.

ദു​ര​ന്ത​ത്തി​ൽ സ​ഞ്ജ​നയും രണ്ട് സ്ത്രീകളും ഉ​ൾ​പ്പെ​ടെ എട്ടു പേ​രാ​ണ് മ​രി​ച്ച​ത്. ബം​ഗ​ളൂ​രു ഇ​ജി​പു​ര​യി​ൽ ചൊ​വ്വാ​ഴ്ച രാ​വി​ലെ ഏ​ഴോ​ടെ​യാ​ണ് അ​പ​ക​ട​മു​ണ്ടാ​യ​ത്. മ​രി​ച്ച​വരു​ടെ കു​ടും​ബാം​ഗ​ങ്ങ​ൾ​ക്ക് സ​ർ​ക്കാ​ർ അ​ഞ്ചു ല​ക്ഷം രൂ​പ വീ​തം ന​ഷ്ട​പ​രി​ഹാ​രം പ്ര​ഖ്യാ​പി​ച്ചി​രു​ന്നു.

വ​ലി​യ കോ​ൺ​ക്രീ​റ്റ് പാ​ളി​ക​ളി​ൽ​നി​ന്നും ക​ബോ​ർ​ഡാ​ണ് കു​ട്ടി​യെ ര​ക്ഷ​പെ​ടു​ത്തി​യ​ത്. ക​ബോ​ർ​ഡി​നു അ​ടി​യി​ലാ​യ​താ​ണ് സ​ഞ്ജ​ന ര​ക്ഷ​പെ​ടാ​ൻ കാ​ര​ണ​മാ​യ​ത്. ക​ർ​ണാ​ട​ക സ​ർ​ക്കാ​ർ കു​ട്ടി​യെ ദ​ത്തെ​ടു​ക്കാ​ൻ തീ​രു​മാ​നി​ച്ചി​രു​ന്നു. എ​ന്നാ​ൽ 60 ശ​ത​മാ​ന​ത്തി​ലേ​റെ പൊ​ള്ള​ലേ​റ്റ സ​ഞ്ജ​ന വ്യാ​ഴാ​ഴ്ച മ​ര​ണ​ത്തി​നു കീ​ഴ​ട​ങ്ങുകയായിരുന്നു.