ഉക്രൈനിൽ നിന്ന് ഇന്ത്യക്കാരെ തിരികെ എത്തിക്കാനുള്ള ഇന്ത്യയുടെ ഓപറേഷൻ ​ഗം​ഗ എന്ന ദൗത്യം തുടരുന്നു. ദൗത്യത്തിന്റെ ഭാ​ഗമായി രണ്ട് വിമാനങ്ങൾ കൂടി അയച്ചുവെന്ന് കേന്ദ്ര മന്ത്രി ഡോ.എസ്.ജയശങ്കർ അറിയിച്ചു. യു​ക്രെ​യ്‌​നി​ല്‍ നി​ന്നുള്ള ഇ​ന്ത്യ​ക്കാ​രു​മാ​യു​ള്ള നാ​ലാ​മ​ത്തെ വി​മാ​നം പു​റ​പ്പെ​ട്ടു.

റൊ​മാ​നി​യ​യി​ലെ ബു​ക്കാ​റ​സ്റ്റി​ല്‍ നി​ന്നു​മാ​ണ് എ​യ​ര്‍​ഇ​ന്ത്യ​യു​ടെ വി​മാ​നം യാ​ത്ര ആ​രം​ഭി​ച്ച​ത്. വി​മാ​ന​ത്തി​ല്‍ 198 യാ​ത്ര​ക്കാ​രു​ണ്ട്. ഡ​ല്‍​ഹി​യി​ലാ​ണ് വി​മാ​നം എ​ത്തു​ക. ഓപറേഷൻ ​ഗം​ഗയുടെ ഭാ​ഗമായി നേരത്തെ മൂന്ന് വിമാനങ്ങൾ ഇന്ത്യക്കാരേയും കൊണ്ട് ഡൽഹിയിൽ എത്തിയിരുന്നു.

ഇ​ന്ന് രാ​വി​ലെ യു​ക്രെ​യ്‌​നി​ല്‍ നി​ന്നും ഇ​ന്ത്യ​ക്കാ​രെ​യും കൊ​ണ്ടു​ള്ള മൂ​ന്നാ​മ​ത്തെ വി​മാ​നം ഡ​ല്‍​ഹി​യി​ലെ​ത്തി​യത്. ബു​ഡാ​പെ​സ്റ്റി​ല്‍ നി​ന്നു​ള്ള എ​യ​ര്‍​ഇ​ന്ത്യ വി​മാ​ന​ത്തി​ല്‍. 240 പേ​ര്‍ യാ​ത്ര​ക്കാ​രു​ണ്ടാ​യി​രു​ന്നു. ഇ​തി​ല്‍ 25 മ​ല​യാ​ളി​ക​ളും ഉ​ള്‍​പ്പെ​ടും.ഇ​ന്ന് പു​ല​ര്‍​ച്ചെ​യാ​ണ് യു​ക്രെ​യ്നി​ല്‍ കു​ടു​ങ്ങി​യ ഇ​ന്ത്യ​ക്കാ​രു​ടെ ര​ണ്ടാ​മ​ത്തെ സം​ഘം ഡ​ല്‍​ഹി​യി​ലെ​ത്തി​യ​ത്.

റു​മാ​നി​യ​ന്‍ ത​ല​സ്ഥാ​ന​മാ​യ ബു​ക്കാ​റെ​സ്റ്റി​ല്‍​നി​ന്നാ​ണ് 29 മ​ല​യാ​ളി​ക​ള്‍ ഉ​ള്‍​പ്പെ​ടെ 251 ഇ​ന്ത്യ​ക്കാ​ര്‍ രാ​ജ്യ​ത്ത് എ​ത്തി​ച്ചേ​ര്‍​ന്ന​ത്. മലയാളികൾ ഉൾപ്പെടെ 500 ലേറെ പേരെ ഇതുവരെ ഇന്ത്യയിലെത്തിച്ചു. ഇതിനു പുറമേയാണ് ഇന്ന് ബുക്കാറസ്റ്റിലേക്ക് രണ്ട് വിമാനങ്ങൾ കൂടി അയ‌ച്ചത്.

റഷ്യ യുദ്ധം ശക്തമാക്കുന്ന സാഹചര്യത്തിലാണ് ഇന്ത്യക്കാരെ യുക്രൈനിൽ നിന്ന് പരമാവധി വേ​ഗത്തിൽ ഒഴിപ്പിക്കുന്നത്. സുരക്ഷിതരായി എല്ലാ ഇന്ത്യക്കാരെയും തിരിച്ചെത്തിക്കുകയാണ് ലക്ഷ്യമെന്ന് പ്രധാനമന്ത്രി വ്യക്തമാക്കിയത്.എന്നാൽ റഷ്യൻ അതിർത്തികൾ തുറന്നാൽ മാത്രമേ കൂടുതൽ പേരെ എത്തിക്കാൻ കഴിയു എന്നാണ് യുക്രൈനിൽ കുടുങ്ങിയവർ പറയുന്നത്.