തട്ടിയെടുത്ത മകനെ ഈജിപ്റ്റില് നിന്നും അമേരിക്കക്കാരി രക്ഷപ്പെടുത്തി
അമേരിക്കക്കാരിയായ കല്ലിയും ഈജിപ്റ്റുകാരനായ മുഹമ്മദും ഒത്തൊരുമിക്കാന് തീരുമാനിച്ചത് വളരെപ്പെട്ടന്നായിരുന്നു. ദീര്ഘനാളത്തെ ദാമ്പത്യത്തിനിടയില് അവര്ക്ക് ഒരു ആണ്കുട്ടിയും പിറന്നു. ഇതിനിടയ്ക്ക് മുഹമ്മദ് തന്നെ വഞ്ചിക്കുകയാണെന്നു മനസിലാക്കിയ കല്ലി വിവാഹമോചനം നേടി. തന്റെ അമ്മ അത്യാസന്ന നിലയിലാണെന്നും വന്ന് കണ്ടാല് നന്നായിരിക്കുമെന്നും മുഹമ്മദ് കല്ലിയോടു പറഞ്ഞു.
അലിവു തോന്നിയ കല്ലി മുഹമ്മദിനോടൊപ്പം ഈജിപ്റ്റിലേക്ക് തിരിച്ചു. എന്നാല് യാത്രാ മധ്യയില് വണ്ടി കേടായെന്ന് പറഞ്ഞ് കല്ലിയെ മുഹമ്മദ് വെളിയിലിറക്കി. പൊടുന്നനെ മുഹമ്മദ് മകനേയും കൊണ്ട് വണ്ടിയോടിച്ചു പോയി. ഭാഷ പോലും അറിയാത്ത നാട്ടില് കല്ലി ഏറെ വിഷമിച്ചു. നാട്ടുകാരുടേയും സുഹൃത്തുക്കളുടേയും സഹായം കൊണ്ട് കല്ലി ഈജിപ്റ്റില് തന്നെ തങ്ങി.
എങ്ങനേയും മകനെ കണ്ടുപിടിക്കാനുള്ള ശ്രമത്തിലായി കല്ലി. മകനെ മുസ്ലീമാക്കി വളര്ത്താനാണ് മുഹമ്മദ് തീരുമാനിച്ചിരുന്നത്. അവസാനം മകന് പഠിക്കുന്ന സ്കൂള് കല്ലി കണ്ടെത്തി. രഹസ്യമായി മകനെ രക്ഷപ്പെടുത്താനുള്ള പദ്ധതിതന്നെ അവരുണ്ടാക്കി. പര്ദ ധരിച്ച് കല്ലി സ്കൂളിലെത്തിയതിനാല് ആര്ക്കും സംശയം തോന്നിയില്ല. മകനെ കണ്ടെത്തിയ ഉടന്, ആരും കാണാതെ മകനെ തയ്യാറാക്കിനിര്ത്തിയ വണ്ടിയില് കയറ്റുകയായിരുന്നു. അവിടെ നിന്നും വളരെ സാഹസപ്പെട്ട് മകനേയും കൊണ്ട് കല്ലി അമേരിക്കയിലേക്ക് രക്ഷപ്പെടുകയായിരുന്നു.
https://www.facebook.com/Malayalivartha