അമേരിക്കയിലെ ആമിഷ് എന്ന ജനവിഭാഗം; വാഹനങ്ങളില്ല, വൈദ്യുതിയില്ല, അവര് ഇപ്പോഴും ജീവിക്കുന്നത് പ്രാചീന രീതിയില്!
അമേരിക്ക എന്ന് കേള്ക്കുമ്പോള്, അംബരചുബികളായ വന് കെട്ടിടങ്ങളും തുരുതുരാ പോകുന്ന വാഹനങ്ങളും, ഇതൊക്കെയാണ് ഏവരുടെയും മനസ്സില് തെളിഞ്ഞുവരുന്ന ചിത്രം. എന്നാല് അവിടെ ഒരു ജനവിഭാഗമുണ്ട്. അവരിപ്പോഴും ജീവിക്കുന്നത് ഒരു മുന്നൂറ് വര്ഷം മുന്പുള്ള ജീവിതരീതികളുമായി ഇണങ്ങിച്ചേര്ന്നാണ്.
'ആമിഷ്' എന്നാണ് ഈ ജനവിഭാഗം അറിയപ്പെടുന്നത്. പെന്സില്വാനിയ, ഇന്ഡ്യാന എന്നീ ഗ്രാമപ്രദേശങ്ങളില് പോയാല് ഇവരെ കാണാം.അവരുടെ സംസ്കാരം നേരിട്ടനുഭവിക്കാം. കുതിരവണ്ടികളില്മാത്രം യാത്ര ചെയ്ത്, വൈദ്യുതി ഉപയോഗിക്കാതെ മുന്നൂറിലേറെ വര്ഷം പഴക്കമുള്ള ജീവിതക്രമങ്ങള് ഇന്നും അനുവര്ത്തിക്കുന്ന ഒരു കൂട്ടം മനുഷ്യര്.ആദിവാസികളാണെന്നോ,വിദ്യാഭ്യാസമില്ലാത്തവരാണെന്നോ തെറ്റിദ്ധരിക്കേണ്ട, സുഖ ലോലുപതയുടെ കളിത്തൊട്ടിലായ അമേരിക്കയില്, മുഖ്യധാരയില്നിന്ന് അകന്നുമാറി, ലൗകിക സുഖങ്ങളെ തിരസ്കരിച്ച് ജീവിക്കുന്ന ഒരു സമൂഹമാണ് ആമിഷുകള്.അമേരിക്കയിലെ മുഖ്യധാരയില്നിന്ന് ഒഴിഞ്ഞുനില്ക്കാനാഗ്രഹിക്കുന്ന ആമിഷുകള് കുടുംബബന്ധങ്ങളിലും അവരുടെ വിശ്വാസങ്ങളിലുമാണ് കൂടുതല് ശ്രദ്ധ പതിപ്പിക്കുന്നത്. ഇവരുടെ ജനസംഖ്യയില് പണ്ടുള്ളതിനേക്കാള് ക്രമാതീതമായ വര്ധനയുണ്ടായിട്ടുണ്ട്.1920-കളില് 5000 ആമിഷ് ജനത ഉണ്ടായിരുന്ന സ്ഥാനത്ത് ഇന്ന് നോക്കുമ്പോള് അവരുടെ എണ്ണം 3 ലക്ഷമാണ്. ഇതിന് കാരണവും അവരുടെ കുടുംബ ബന്ധങ്ങളിലെ വിശ്വാസതയാണ്.ഇവരെല്ലാം കൂട്ടുകുടുംബങ്ങളിലും മറ്റും വിശ്വസിക്കുന്നു. കുടുംബത്തില് അംഗങ്ങളുടെ എണ്ണം കൂടുംതോറും സന്തോഷവും വര്ദ്ധിക്കും എന്നും ദൈവം അനുഗ്രഹം ചൊരിയും എന്നും അവര് വിശ്വസിക്കുന്നു. ഇവരുടെ വസ്ത്രധാരണ രീതിയിലും ആ പഴമ നിലനില്ക്കുന്നു.
https://www.facebook.com/Malayalivartha