ഡിവോഴ്സ് തേടി കോടതിയെ സമീപിച്ച ദമ്പതികള് അവസാനം വഴക്കിട്ടത് സ്പേസ് ടിക്കറ്റിന് വേണ്ടി!
വിവാഹമോചനത്തിന് കോടതിയെ സമീപിച്ച ദമ്പതികള് അവസാനം തര്ക്കിച്ചത് ഒരു സ്പേസ് ടിക്കറ്റിന് വേണ്ടി. റിച്ചാര്ഡ് ബ്രാന്സന്റെ നേതൃത്വത്തില് അടുത്ത വര്ഷം നടക്കുന്ന വിര്ജിന് ഗലാറ്റിക് സ്പേസ് യാത്രയുടെ ടിക്കറ്റിനെച്ചൊല്ലിയാണ് തര്ക്കം. ഇന്ത്യന് ദമ്പതികളായ മീര മനേക്, ഭര്ത്താവ് ആഷിഷ് തക്കാര് എന്നിവരാണ് വിവാഹമോചനം ആവശ്യപ്പെട്ട് കോടതിയെ സമീപിച്ചത്.
160,000 പൗണ്ട് വിലയുള്ള സ്പേസ് ടിക്കറ്റില് തനിക്കും അവകാശമുണ്ടെന്നാണ് ഭാര്യയുടെ അവകാശവാദം. അടുത്ത ആഴ്ച യു.കെയിലെ കോടതി കേസ് പരിഗണിക്കും. 33-കാരിയായ മീര, ഫുഡ് ബ്ലോഗറും എഴുത്തുകാരിയുമാണ്. തന്റെ ഭര്ത്താവ് ആഷിഷിന് 445,532 പൗണ്ടിന്റെ സ്വത്തുണ്ടെന്നാണ് മീര ഉന്നയിക്കുന്ന അവകാശവാദം. സ്വത്തുക്കള് കൂടാതെ സ്പേസ് യാത്രയുടെ ടിക്കറ്റിന് മേലും മീര അവകാശവാദം ഉന്നയിക്കുന്നു.
ടിക്കറ്റിന്റെ അവകാശം സംബന്ധിച്ച വാദം കോടതി പരിഗണിക്കും. ടിക്കറ്റ് ഇപ്പോള് ആഷിഷിന്റെ ഉടമസ്ഥതയിലാണുള്ളത്. ടിക്കറ്റിന്റെ തുകയും ആകെ സ്വത്തിന്റെ ഭാഗമായി കണക്കാക്കണമെന്നാണ് മീരയുടെ ആവശ്യം. ഈ തുക സ്വത്തിന്റെ ഭാഗമായി കണക്കാക്കി അതിന്റെ അവകാശം തനിക്ക് കൂടി നല്കണമെന്നും മീര ആവശ്യപ്പെടുന്നു. 2008-ല് വിവാഹിതരായ മീരയും ആഷിഷും 2013 മുതല് പിരിഞ്ഞു താമസിക്കുകയാണ്.
വിര്ജിന് ഗലാറ്റിക്കിന്റെ സ്പേസ് യാത്രയുടെ ടിക്കറ്റ് ആദ്യമായി സ്വന്തമാക്കിയ യാത്രികരില് ഒരാളാണ് ആഷിഷ്. യാത്രയുടെ ദിവസം വരെ ടിക്കറ്റിന്റെ തുക മടക്കി ലഭിക്കുന്നതാണ്.
https://www.facebook.com/Malayalivartha