കല്യാണിയമ്മയെ താരമാക്കിയത് കൊച്ചുമകളുടെ ഒരു ചെറുകുസൃതി!
വേങ്ങാട് റാണി തീയറ്റേഴ്സിനു സമീപം കൊമ്പന് ഹൗസില് കല്യാണിയമ്മയ്ക്ക് ജീവിതസായാഹ്നത്തില് നാട്ടുകാര്ക്കിടയില് ആദരവും അംഗീകാരവുമെത്തി. അതിനു കാരണമായതാകട്ടെ ചെറുമകള് കാണിച്ച ചെറിയൊരു കുസൃതിയും.
വീടിനു സമീപത്തെ ക്ഷേത്രക്കുളത്തില് ഇവര് നീന്തിത്തിമിര്ക്കുന്ന വീഡിയോ ദൃശ്യങ്ങള് ചെറുമകള് ഫേസ് ബുക്കില് പോസ്റ്റ് ചെയ്തതോടെയാണ് 80-കാരി കല്യാണിയമ്മ താരമായത്.
പ്രായത്തെ തോല്പ്പിച്ചുള്ള കല്യാണിയമ്മയുടെ നീന്തിക്കുളി മിഥുല വെറുതെയൊരു കൗതുകത്തിന് മൊബൈലില് പകര്ത്തി ഫേസ്ബുക്കില് പോസ്റ്റ് ചെയ്യുകയായിരുന്നു.
സമൂഹമാധ്യമങ്ങളില് വൈറലായി മാറിയ ഈ വീഡിയോ ഇതിനകം പതിനായിരക്കണക്കിനാളുകളാണ് കണ്ടത്.
നിരവധി പേര് ഷെയര് ചെയ്തു. മൂന്നാം ക്ലാസില് പഠിക്കുമ്പോഴാണ് തലശേരി തിരുവങ്ങാട്ടെ ക്ഷേത്രചിറയില് വച്ച് നീന്തല് പഠിച്ചതെന്ന് കല്യാണിയമ്മ പറയുന്നു.
പിന്നീട് ജലാശയങ്ങള് കാണുമ്പോഴൊക്കെ നീന്താന് ആഗ്രഹമുണ്ടായിരുന്നുവെന്നും കല്യാണിയമ്മ പറഞ്ഞു. മനസിലുള്ള ഈ ആഗ്രഹം കൊണ്ട് തന്നെയായിരുന്നു പ്രായാധിക്യമൊന്നും നോക്കാതെ കഴിഞ്ഞദിവസം ചെറുമക്കളോടൊപ്പം കല്യാണിയമ്മ നീന്താനെത്തിയത്. നീന്തല് ദൃശ്യം വൈറലായതോടെ നീന്തലിനെ എന്നും ആവേശമായി കൊണ്ടുനടന്ന കല്യാണിയമ്മയ്ക്കിത് ജീവിതസായാഹ്നത്തിലെ അംഗീകാരവുമായി.
https://www.facebook.com/Malayalivartha