എട്ടിനം പക്ഷികള് എന്നന്നേക്കുമായി മറഞ്ഞുപോയിക്കഴിഞ്ഞു!
മനുഷ്യരുടെ കടന്നുകയറ്റവും ചൂഷണവും നിമിത്തം എട്ടിനം പക്ഷികള്ക്ക് വംശനാശം നേരിട്ടുവെന്ന് സ്ഥിരീകരിച്ചു. 21-ാം നൂറ്റാണ്ടില് വംശനാശം സംഭവിച്ചെന്ന് ആദ്യമായി സ്ഥിരീകരിക്കുന്ന പക്ഷികളാണിവ.
സ്പിക്സ് മക്കാവ്, അലാഗോസ് ഫോളിഗെ ഗ്ലീനര്, ക്രിപ്റ്റിക് ട്രീഹണ്ടര്, പെര്ണാംബുകോ പിഗ്മി ഔള്, ബ്ലാക്ക് ഫേസ്ഡ് ഹണിക്രീപ്പര്, ഗ്ലൗകസ് മക്കാവ് തുടങ്ങിയ ഇനം പക്ഷികള്ക്കാണ് വംശനാശം സംഭവിച്ചത്.
ഇന്റര്നാഷണല് യൂണിയന് ഫോര് ദ കണ്സര്വേഷന് നേച്ചറിന്റെ (ഐയുസിഎന്) റെഡ് ലിസ്റ്റില് അതീവ അപകടാവസ്ഥയില് ഉള്പ്പെടുത്തിയിരുന്ന 51 ഇനം പക്ഷികളെ നിരീക്ഷിച്ചതിനുശേഷമാണ് എട്ടിനത്തിന് വംശനാശം സംഭവിച്ചതായി സ്ഥിരീകരിച്ചത്.
എട്ടിനത്തില് അഞ്ചെണ്ണം വടക്കേ അമേരിക്കയില് കാണപ്പെടുന്നവയായിരുന്നു. വനനശീകരണമാണ് ഇവയുടെ വംശനാശത്തിനു കാരണമായത്. ബേര്ഡ് ലൈഫ് ഇന്റര്നാഷണല് നടത്തിയ പഠനത്തിലാണ് ഇവയെക്കുറിച്ച് പ്രതിപാദിച്ചിരിക്കുന്നത്.
സ്പിക്സ് മക്കാവ്
ബ്രസീലില് കണ്ടുവരുന്ന നീലനിറമുള്ള ഒരു തത്തയിനം. 2000-നു ശേഷം വനങ്ങളില് കണ്ടിട്ടില്ല. വളരെ കുറച്ചെണ്ണം യൂറോപ്പില് നിയന്ത്രിത സാഹചര്യത്തിലുണ്ട്.
അലാഗോസ് ഫോളിയേജ് ഗ്ലീനര്
ചെറിയ പക്ഷി. 2011-നുശേഷം കണ്ടിട്ടില്ല.
ക്രിപ്റ്റിക് ട്രീഹണ്ടര്
2007-നുശേഷം കണ്ടിട്ടില്ല.
പെര്ണാംബുകോ പിഗ്മി ഔള്
ചെറിയ ഇനം മൂങ്ങ. 2002-നു ശേഷം കണ്ടിട്ടില്ല.
ബ്ലാക്ക് ഫേസ്ഡ് ഹണിക്രീപ്പര്
ചെറിയ ഇനം പക്ഷി. 2004-നുശേഷം കണ്ടിട്ടില്ല.
ഗ്ലൗകസ് മക്കാവ്
സൗത്ത് അമേരിക്കയില് കണ്ടുവന്നിരുന്ന നീല നിറത്തിലുള്ള തത്ത ഇനം.
https://www.facebook.com/Malayalivartha