ഒരു ബൈക്കില് മൂന്നു പൊലീസുകാര് ഹെല്മറ്റ് ധരിക്കാതെ യാത്ര ചെയ്യുന്നതിന്റെ ദൃശ്യങ്ങള് പിന്നാലെ വന്ന യാത്രക്കാര് പകര്ത്തി സോഷ്യല് മീഡിയയില് ഇട്ടു; പോലീസുകാര്ക്കെതിരെ കര്ശനനടപടികള് ഉണ്ടാകുമെന്ന് ട്രാഫിക് എഎസ്പി
നിയമങ്ങള് പാലിക്കണമെന്ന് പറയുന്ന പൊലീസുകാര് തന്നെ ആ നിയമങ്ങള് ലംഘിച്ചക്കുന്നത് കണ്ണില്പ്പെട്ടാല് കൈയ്യുംകെട്ടി നോക്കിയിരിക്കുന്നത് പൗരബോധമുള്ള ആര്ക്കും ഭൂഷണമല്ല.
കഴിഞ്ഞ ദിവസം ഉത്തര്പ്രദേശില് മൂന്ന് പൊലീസുകാര് പരസ്യമായി ട്രാഫിക് നിയമങ്ങള് ലംഘിക്കുന്നതിന്റെ ദൃശ്യങ്ങള് സോഷ്യല് മീഡിയയില് പ്രചരിച്ചു. ഹെല്മറ്റ് ധരിക്കാതെ മൂന്നു പൊലീസുകാര് ഒരു ബൈക്കില് യാത്ര ചെയ്യുന്നതിന്റെ വീഡിയോയാണ് വൈറലായിരിക്കുന്നത്.
സംഭവം വിവാദമായത്തോടെ മൂന്ന് പേര്ക്കുമെതിരെ എഫ്ഐആര് രജിസ്റ്റര് ചെയ്തിട്ടുണ്ട്. അനുരാഗ് സിങ്, മുരളിലാല് വര്മ, കുന്വര് ആനന്ദ എന്നിവരാണ് ദൃശ്യങ്ങളില് ഉള്ളതെന്ന് തിരിച്ചറിഞ്ഞിട്ടുണ്ട്.
എട്ട് സെക്കന്റ് ദൈര്ഘ്യമുള്ള വീഡിയോ ബൈക്കിന്റെ തൊട്ടു പിന്നാലെ വന്ന കാറിലെ യാത്രക്കാരാണ് പകര്ത്തിയത്.
തങ്ങളുടെ ദൃശ്യം പകര്ത്തുന്നത് കണ്ട പൊലീസുകാര് യാത്രക്കാരെ അസഭ്യം പറയുന്നതും വീഡിയോയില് കാണാം. നിയമം പാലിക്കേണ്ടത് ജനങ്ങളല്ലെയെന്നും പൊലീസുകാര്ക്ക് എന്തുമാകാമല്ലോയെന്നുമാണ് വീഡിയോക്ക് താഴെ വന്നിരിക്കുന്ന കമന്റുകള്.
അതേ സമയം മൂവരെയും മനസ്സിലായിട്ടുണ്ടെന്നും ഇവര്ക്കെതിരെ കര്ശനമായ നടപടികള് തന്നെ ഉണ്ടാകുമെന്നും ട്രാഫിക് എഎസ്പി ആര് എസ് നിം പറഞ്ഞു.
https://www.facebook.com/Malayalivartha