'അങ്ങനെ ഞാനും ഭാര്യയും മല കയറാന്‍ മാലയിട്ട് ഒരു സെല്‍ഫി' എന്ന് കുറിപ്പിനൊപ്പം ചിത്രം പങ്കുവെച്ച പ്രേംജി തൃക്കരിപ്പൂര്‍ എന്ന വ്യക്തിയ്ക്കു നേരെയാണ് അസഭ്യവര്‍ഷവും ഭീഷണിപ്പെടുത്തലുകളും. സമൂഹമാധ്യമത്തിലാണ് ഇയാള്‍ക്കെതിരെ പ്രതിഷേധം ശക്തമായത്. എന്നാൽ കാര്യങ്ങൾ കൈവിട്ട് പോയതോടെ സംഭവത്തിന്റെ സത്യാവസ്ഥ വെളിപ്പെടുത്തി യുവാവ് തന്നെ രംഗത്തെത്തി. മലയാളികളുടെ പ്രതികരണശേഷി ഉയര്‍ത്താന്‍ വേണ്ടിയായിരുന്നു അത്തരത്തിലൊരു പോസ്‌റ്റെന്നും സമൂഹമാധ്യമത്തിലൂടെ ലൈവിലെത്തി പ്രേംജി വിശദീകരിച്ചു.

അസഭ്യവര്‍ഷവും ഭീഷണിപ്പെടുത്തലുകളും കൂടി. ചിത്രം പുലിവാലായതോടെ സംഭവത്തില്‍ വിശദീകരണവുമായി രംഗത്തെത്തിയിരിക്കുകയാണ് പ്രേംജി. ശബരിമലയിലേക്കല്ല, പഴനി മലയിലേക്കു താനും ഭാര്യയും പോകുന്ന കാര്യമാണ് ഉദ്ദേശിച്ചതെന്നു വ്യക്തമാക്കിയാണ് ഇദ്ദേഹം രംഗത്തെത്തിയിരിക്കുന്നത്. ശബരിമലയിലെ സ്ത്രീ പ്രവേശനത്തെ എതിര്‍ക്കുന്ന വ്യക്തിയാണ് താനെന്നും ഇദ്ദേഹം പറയുന്നു.