ഒന്ന് മിസ്ഡ്കാൾ ചെയ്താൽ മതി...തിരികെ വിളിക്കാം എന്ന്; എത്ര മിസ്ഡ് കാൾ ചെയ്തിട്ടും കെവിൻചേട്ടന്റെ മറുവിളി എത്തുന്നില്ലല്ലോ... പ്രണയം കൊണ്ട് മുറിവേറ്റ മനസുമായി പിടയുമ്പോഴും ജീവിക്കാനുള്ള കരുത്ത് നൽകുന്നതും ആ പ്രണയം
ലോകം മുഴുവൻ നടുങ്ങിയ കൊലപാതകമായിരുന്നു കെവിൻ കൊലപാതക കേസ്. ഉറ്റവർ തന്നെ തന്റെ പ്രിയപ്പെട്ടവന്റെ ഉയിരെടുത്തപ്പോൾ തനിച്ചായിപ്പോയത് നീനുമാത്രമായിരുന്നു. കെവിന്റെ വീട്ടുകാരുടെ കൈപിടിച്ച് മനസ്സിൽ എരിയുന്ന മുറിവായി ജീവിച്ച് മുന്നേറുകയാണ് കെവിന്റെ നീനു. കെവിന്റെ ഓർമകളിൽ മുറുകെ പിടിച്ച് ജീവിക്കുമ്പോഴും ഇപ്പോഴും നീനുവിന് ഒന്നേ പറയാനുള്ളു.”ഒന്ന് മിസ്ഡ്കാൾ ചെയ്താൽ മതി,തിരികെ വിളിക്കാം ,എന്ന് എത്ര മിസ്ഡ് കാൾ ചെയ്തിട്ടും കെവിൻചേട്ടന്റെ മറുവിളി എത്തുന്നില്ലല്ലോ.സന്തോഷത്തോടെ ഒരുപാട് വർഷങ്ങൾ ജീവിക്കാമെന്നും ഒരുക്കലും കരയിക്കില്ലെന്നും വാക്ക് തന്ന ആൾ”.
അവരുടെ പ്രണയം ഒരിക്കലും അങ്ങനെ ആരും മറന്നുപോകുവാൻ ഇടയില്ല.കാത്തിരുന്നു കാത്തിരുന്നു അവസാനം ആ സ്വപ്നം സ്വന്തമായി തീരാൻ ദിവസങ്ങളെ ബാക്കിയുണ്ടായിരുന്നുള്ളു. പക്ഷെ പ്രാണൻ പകുതി നൽകി സ്നേഹിച്ച ആളിന്റെ മരണമാണ് നീനുവിന് കാണേണ്ടി വന്നത്.
പ്രണയം കൊണ്ട് മുറിവേറ്റ നീനുവിന് ആ പ്രണയമാണ് ജീവിക്കാനുള്ള കരുത്ത്,മുന്നോട്ട് നടത്തുന്ന വെളിച്ചം . രണ്ട് വർഷം മുൻപാണ് കെവിനെ ആദ്യമായി നീനു കാണുന്നത്. പ്രണയമായപ്പോൾ തന്നെ നീനുവിന് ഉറപ്പുണ്ടായിരുന്നു വീട്ടുകാർ എതിർക്കുമെന്ന്.നീനുവിന്റെ രക്ഷകർത്താക്കളുടെ പ്രണയവിവാഹമായിരുന്നു. വ്യത്യസ്ത മതസ്ഥരും.എങ്കിലും ഇരുവരും ജീവന് തുല്ല്യം പരസ്പരം സ്നേഹിച്ചു. പക്ഷെ ആ സ്നേഹം കണ്ടിട്ട് ദൈവത്തിന് പോലും അസൂയ തോന്നിപോയി എന്ന് വേണം പറയാൻ. പക്ഷെ ഒരാഴ്ച്ച പോലും കെവിനെ നീനുവിന് കിട്ടിയിരുന്നില്ല.
https://www.facebook.com/Malayalivartha