തന്റെ കരിയര്‍ നശിപ്പിച്ച് തന്റെ ജീവനെടുക്കാന്‍ ശ്രമിച്ചയാളുടെ മോചനത്തിനായ് പ്രവര്‍ത്തിക്കുന്ന മോഡല്‍ ശ്രദ്ധ നേടുന്നു. അമേരിക്കയിലെ ടംപാ ബേ ഫ്‌ലോറിഡയിലെ ഡെബി ബെയ്ഗ്രീ എന്ന ഇരുപത്തെട്ടുകാരി മോഡലാണ് തന്നെ കൊല്ലാന്‍ ശ്രമിച്ച ആളുടെ മോചനത്തിനായി ശ്രമിക്കുന്നത്.
തന്റെ കാറിലേയ്ക്കു കയറുവാന്‍ നടക്കുന്നതിനിടെ കറുത്ത വര്‍ഗ്ഗക്കാരായ ഒരു പതിമൂന്നുകാരനും സുഹൃത്തും അവളെ സമീപിച്ചു. ഇതുപതു ഡോളറിനു ചില്ലറ തരാനുണ്ടോ എന്ന് ചോദിച്ചായിരുന്നു അവര്‍ അടുത്തെത്തിയത്. അതിന് മറുപടി പറയാന്‍ സമയം എടുക്കുന്നതിന് മുന്‍പു തന്നെ അവരിലൊരാള്‍ തന്റെ പോക്കറ്റില്‍ നിന്ന് ഗണ്‍ എടുത്ത് അവരുടെ വായിലേയ്ക്ക് നിറയൊഴിച്ചു കഴിഞ്ഞിരുന്നു.
1990 ല്‍ ഈ സംഭവം നടക്കുമ്പോള്‍ ഡെബി തന്റെ രണ്ടാമത്തെ കുഞ്ഞിനെ പ്രസവിച്ച് ഏതാനും നാളുകള്‍ കഴിഞ്ഞിട്ടേയുണ്ടായിരുന്നുള്ളൂ. പിന്നീട് വര്‍ഷങ്ങള്‍ നീണ്ട ശസ്ത്രക്രീയകള്‍ക്കൊടുവിലാണ് ഡെബിയുടെ മുഖം സാധാരണ നിലയിലായത്. അപ്പോഴേയ്ക്കും കോടതിയില്‍ വിചാരണയിലായിരുന്ന കേസില്‍ ആ പതിമൂന്നുകാരന് കൊലപാതക ശ്രമത്തിന് മൂന്നു ജീവപര്യന്തം ശിക്ഷയും വിധിച്ചു.
ജയിലില്‍ ഒരു വര്‍ഷം ചെലവഴിച്ചു കഴിഞ്ഞപ്പോള്‍ ഒരു ദിവസം ആ പഴയ പതിമൂന്നുകാരന്‍ ഡെബിയെ ഫോണില്‍ വിളിച്ചു. എന്തിനാ നീ എന്നെ കൊന്നത് എന്നു തന്നെ അവര്‍ അവനോടു ചോദിച്ചു. അതൊരു തെറ്റായിരുന്നു എന്നായിരുന്നു അവന്റെ മറുപടി. അതിനുശേഷം അവന്‍ അവര്‍ക്കൊരു കാര്‍ഡയച്ചു. അന്നു മുതല്‍ ഇരുവരും പരസ്പരം കത്തെഴുതി തുടങ്ങി. ഇരുപതു വര്‍ഷമായിട്ടും ആ രീതിയ്ക്ക് മാറ്റം വന്നിട്ടില്ല. സ്വന്തം ജീവനെടുക്കാന്‍ ശ്രമിച്ചയാളിന് കത്തുകളെഴുതി സമാശ്വസിപ്പിക്കാന്‍ ശ്രമിക്കുന്ന നിങ്ങളെപ്പോലൊരാള്‍ വേറെയുണ്ടാവില്ല എന്നവന്‍ ഒരു കത്തെഴുതി.
പതിമൂന്നാം വയസ്സില്‍ ഒട്ടും ചിന്തിക്കാതെ നമ്മളെല്ലാവരും ബുദ്ധിമോശമൊക്കെ പ്രവര്‍ത്തിക്കുമെന്നും അതു കൂടാതെ ആ കാലത്തെ വംശീയ വിവേചനം ആരേയും അലോസരപ്പെടുത്തുന്നതുമായിരുന്നു എന്ന് ഡെബി ഓര്‍മ്മിച്ചു. അവന്റെ സ്ഥാനത്ത് ഒരു വെളുത്ത വര്‍ഗ്ഗക്കാരന്‍ കുട്ടയായിരുന്നെങ്കില്‍ ഇത്ര കഠിനമായ ശിക്ഷ അവന് ലഭിക്കുമായിരുന്നില്ല എന്നാണ് ഡെബിയുടെ നിരീക്ഷണം. പ്രായപൂര്‍ത്തി എത്തുന്നതിനുമുമ്പ് ചെയ്ത തെറ്റായതിനാല്‍ അവന്റെ ശിക്ഷ കുറവു ചെയ്തിട്ടുണ്ട്.
പതിനഞ്ചാം വയസ്സു മുതല്‍ ഏകാന്ത തടവ് അനുഭവിക്കുന്ന അവന്‍ 2031 ല്‍ അവന് 33 വയസ്സാകുമ്പോള്‍ ജയില്‍ മോചിതനാകും. ഏകാന്ത വാസത്തിനിടെ അവന്‍ പലതവണ സ്വയം മുറിവേല്‍പ്പിക്കുകയും ആത്മഹത്യയ്ക്ക് ശ്രമിക്കുകയും ചെയ്തിട്ടുണ്ട്. ഇപ്പോള്‍ തീര്‍ത്തും സാമൂഹ്യ വിരുദ്ധ കാഴ്ചപ്പാടുകളുള്ള ഒരു സോഷ്യോപതിന്റേതു പോലെയാണ് അവന്റെ മാനസിക നിലയെന്നാണ് ഡോക്ടര്‍മാര്‍ പറയുന്നത്. കഴിഞ്ഞ 18 വര്‍ഷമായി നാച്വറല്‍ മസില്‍ മാഗസിന്‍ എന്ന പ്രസിദ്ധീകരണം നടത്തുന്ന ഡെബി, അവന് മാപ്പു കൊടുത്തു കഴിഞ്ഞു. 2031 നു മുമ്പ് അവനെ മോചിപ്പിക്കണം എന്ന ലക്ഷ്യത്തിനായി പ്രവര്‍ത്തിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha