1000 ചുംബനത്തില് ക്രിസ്മസ് ലൈറ്റ് കത്തിച്ചു!
ചുംബിച്ച് ലൈറ്റ് കത്തിക്കുക എന്ന് കേട്ടിട്ടുണ്ടോ? കേട്ടിട്ടില്ലാത്തവര് അറിയുക, സൗത്ത്വാര്ക്കിലെ ബറോ മാര്ക്കറ്റില് 1000 ജോഡികള് കൂട്ടചുംബനം നടത്തി ക്രിസ്മസ് വിളക്ക് കത്തിച്ചു!
ബറോ മാര്ക്കറ്റിന്റെ ആയിരം വര്ഷം ആഘോഷിക്കുന്നതിന്റെ ഭാഗമായാണ് ചുംബിച്ച് വിളക്കു തെളിയിച്ചത്. ലണ്ടനിലെ റോയല് ഹോളോവേയിലെ ഊര്ജ്ജതന്ത്രജ്ഞനായ ഡേവിഡ് ഫാര്മറിന്റെ നേതൃത്വത്തിലാണ് കൂട്ടചുംബനത്തില് നിന്നുളള ഊര്ജ സഹായത്തോടെ ക്രിസ്മസ് വിളക്ക് തെളിയിച്ച് ഗിന്നസ് റിക്കോഡിലേക്കുളള പടിചവിട്ടിയത്. മാണ് വിളക്കുതെളിയിക്കാന് ഉപയോഗപ്പെടുത്തിയത്.
ക്ഷണപ്രകാരമെത്തിയ 1000 ജോഡികളെ പരമ്പരാഗത ആചാരത്തിലെ പോലെ സീലിംഗില് നിന്ന് തൂക്കിയിട്ടിരുന്ന 1000 ഇത്തിള് കണ്ണികള്ക്ക് കീഴെയാണ് ചുംബിക്കാന് അനുവദിച്ചത്. 300 ചതുരശ്രയടി സീലിംഗിനു ചുവടെയാണ് ചുംബനത്തിന് വേദിയൊരുക്കിയിരുന്നത്.
ഊര്ജ്ജതന്ത്രത്തെ സാധാരണജീവിതത്തില് കൂടുതല് പ്രയോജനപ്പെടുത്താനാണ് ഫാര്മറിന്റെ ശ്രമങ്ങള്. ഇതിന്റെ ഭാഗമായാണ് ബറോ മാര്ക്കറ്റില് സംഘടിപ്പിച്ച ക്രിസ്മസ് ചുംബനം. ഒരു മിനിറ്റ് നീണ്ടു നില്ക്കുന്ന ഒരു ചുംബനത്തിന് രണ്ട് കലോറി ഊര്ജം വേണം. അത് 150 വാട്ടിനു തുല്യമാണ്. അതായത് പഴയതരത്തിലുളള മൂന്ന് ബള്ബുകള് പ്രകാശിപ്പിക്കാന് പര്യാപ്തം. എന്നാല് ക്രിസ്മസ് ലൈറ്റുകള്ക്ക് എല് ഇ ഡിയാണ് ഉപയോഗിക്കുന്നത്. ഇതിന് 1000 ചുംബനങ്ങളില് നിന്ന് ഒരു സെക്കന്റ് നേരം ഉത്പാദിപ്പിക്കപ്പെടുന്ന ഊര്ജം (7 വാട്ട് ) മതിയാവുമെന്നും ഫാര്മര് കണക്കുകൂട്ടിയിരുന്നു.
ഇനി ഇത്തിളിന്റെ കീഴിലെ ചുംബനത്തെ കുറിച്ച്; നിത്യഹരിതമായ ഇത്തിളിനു കീഴില് ചുംബിച്ചാല് ആ വര്ഷം മുഴുവന് സമ്പല്സമൃദ്ധിയുണ്ടാവുമെന്നാണ് പരമ്പരാഗതവിശ്വാസം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha