പൊതുസ്ഥലത്തു ചുംബിക്കുന്നവര്‍ ധൈര്യമുണ്ടെങ്കില്‍ തുണിയില്ലാതെ റോഡിലൂടെ ഓടണമെന്നു ഷീല. എത്രയൊക്കെ ഇല്ലെന്നു പറഞ്ഞാലും സ്ത്രീകള്‍ക്കു ചില പരിമിതികളുണ്ട്. മറച്ചുവയ്‌ക്കേണ്ടതു മറച്ചുവയ്ക്കുകയും കാത്തുസൂക്ഷിക്കേണ്ടതു കാത്തുസൂക്ഷിക്കുകയും ചെയ്യണമെന്നു ഷീല കൂട്ടിച്ചേര്‍ത്തു. ചുംബന സമരത്തില്‍ പങ്കെടുക്കുന്ന സ്ത്രീകള്‍ക്കെതിരേ കടുത്ത വിമര്‍ശനമാണ് ഷീല നടത്തിയത്.
സ്ത്രീകളുടെ വസ്ത്രധാരണത്തില്‍ വന്ന മാറ്റം പീഡനത്തെ ന്യായീകരിക്കാന്‍ ഉപയോഗിക്കുന്നതു ശരിയല്ല. കാലം മാറുന്നതിനനുസരിച്ച് ഫാഷനിലും മാറ്റം വരും. ഞങ്ങളുടെ കാലത്തു ചുരിദാറായിരുന്നു ഏറ്റവും ഫാഷനബിളായ വസ്ത്രം. ഇപ്പോള്‍ അതു ജീന്‍സും ടീഷര്‍ട്ടും മറ്റുമായി. പണ്ടൊക്കെ ജോലിക്കു പോകുന്ന സ്ത്രീകള്‍ കുറവായിരുന്നു. എന്നാല്‍ ഇപ്പോഴത്തെ സ്ഥിതി അതല്ല.
ജോലിക്കു പോകുന്നവര്‍ക്കു സാരിയുടുത്തു സമയം കളയാന്‍ കഴിയാത്തതിനാലാവാം അവര്‍ ജീന്‍സും ഷര്‍ട്ടും പോലെ വളരെ വേഗം ധരിക്കാന്‍ കഴിയുന്ന വസ്ത്രങ്ങള്‍ തെരഞ്ഞെടുക്കുന്നത്. വാഹനം ഓടിക്കുമ്പോഴും യാത്രചെയ്യുന്ന അവസരത്തിലുമൊക്കെ ഇത്തരം വസ്ത്രങ്ങള്‍ കൂടുതല്‍ സൗകര്യപ്രദമാണെന്നുള്ളതും ഒരു കാരണമാണ്. അതിനെ സ്ത്രീകള്‍ക്കു നേരേ അതിക്രമം നടത്താനുള്ള കാരണമായി പറയുന്നത് അംഗീകരിക്കാനാവില്ല.
ഇക്കാര്യത്തില്‍ കാണുന്നവന്റെ കണ്ണിലാണു കാര്യം. സ്വന്തം മകള്‍ ഇത്തരത്തില്‍ വസ്ത്രം ധരിക്കുമ്പോള്‍ നന്നായിരിക്കുന്നു എന്നു പറയുന്നവര്‍ അയലത്തെ വീട്ടിലെ പെണ്‍കുട്ടി ധരിക്കുമ്പോള്‍ മറ്റൊരു കണ്ണിലൂടെ കാണുന്നതെന്തിനാണ്? കുട്ടികളെ പീഡിപ്പിക്കുന്നവരെ രക്ഷിക്കാന്‍ വേണ്ടി ഒരു കോടതിയും ഇടപെടരുതെന്നും അത്തരക്കാരെ തൂക്കിലേറ്റുകയാണു വേണ്ടതെന്നും ഷീല പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha