അപകടത്തില് മുറിഞ്ഞുപോയ പത്തുവിരലും തുന്നിച്ചേര്ത്തു
തെക്കന് ചൈനയില് ഒരു പേപ്പര് ഫാക്ടറിയിലുണ്ടായ അപകടത്തില് ഒരു സ്ത്രീയുടെ പത്തുവിരലുകളും പൂര്ണമായും മുറിഞ്ഞുപോയി. എന്നാല് സമീപത്തുണ്ടായിരുന്നവര് സമയം ഒട്ടും പാഴാക്കാതെ അവരെ ഉടന്തന്നെ ആശുപത്രിയിലെത്തിച്ചു. മുറിഞ്ഞുവേര്പെട്ട വിരലുകളും ഭദ്രമായി ഡോക്ടറുടെ പക്കലേല്പ്പിച്ചു.
സ്ത്രീയുടെ അവസ്ഥകണ്ട് ഡോക്ടര്മാര് ആദ്യമൊന്നമ്പരന്നെങ്കിലും എത്രയും പെട്ടെന്ന് ശസ്ത്രക്രിയ നടത്തുന്നതാണ് നല്ലതെന്ന് അവര് തീരുമാനിച്ചു. ഉച്ചയ്ക്ക് ഒരു മണിയോടെ ശസ്ത്രക്രിയ തുടങ്ങി. പതിമൂന്നുമണിക്കൂര് കൊണ്ടാണ് ശസ്ത്രക്രിയ പൂര്ത്തിയായത്.
വളരെ നേര്ത്ത ഓരോ രക്തക്കുഴലും അതീവസൂക്ഷ്മതയോടെ തുന്നിചേര്ത്തതിനാല് വിരലുകള്ക്കെല്ലാം ചലനശേഷിയുണ്ട്. അറ്റുപോയ വിരലുകളെല്ലാം പൂര്ണ ചലനശക്തിയോടെ തുന്നിച്ചേര്ക്കാനായത് മെഡിക്കല് രംഗത്തെ അപൂര്വ നേട്ടമായിട്ടാണ് വിലയിരുത്തുന്നത്. ശസ്ത്രക്രിയ വിജയമായതോടെ ഡോക്ടര്മാര്ക്ക് അഭിനന്ദന പ്രവാഹമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha