ഫേസ്ബുക്കില്‍ പ്രത്യക്ഷപ്പെട്ട ഇസ്ലാമിനെതിരായ പരാമര്‍ശങ്ങള്‍ നീക്കം ചെയ്യാന്‍ അവര്‍ ആവശ്യപ്പെട്ടിരുന്നു. എന്നാല്‍, ഔദ്യോഗികമായോ നിബന്ധനയ്ക്ക്ക്ക് വിധേയമായോ അല്ലാത്ത ഉത്തരവായതിനാല്‍ ഭീകരുടെ ആവശ്യം താന്‍ പരിഗണിച്ചില്ല. ഇതിനെ തുടര്‍ന്നാണ് ഭീകരര്‍ തന്നെ വധിക്കുമെന്ന് ഭീഷണിപ്പെടുത്തിയതെന്ന് ഫെയ്‌സ് ബുക്ക് സ്ഥാപകന്‍ മാര്‍ക്ക്‌സൂക്കര്‍ബര്‍ഗ്.തന്റെ ഫേസ്ബുക്ക് പേജിലാണ് സുക്കര്‍ബര്‍ഗ് കുറച്ചുവര്‍ഷങ്ങള്‍ക്ക് മുമ്പ് നടന്ന സംഭവങ്ങള്‍ കുറിച്ചത്.
ഫ്രഞ്ച് മാസികയായ ഷാര്‍ളി ഹെബ്ദോയിലെ പത്രപ്രവര്‍ത്തകരെ ആക്രമിച്ചതിനെ തുടര്‍ന്നാണ് സുക്കര്‍ബര്‍ഗ് വെളിപ്പെടുത്തല്‍ നടത്തിയത്. . ഭിന്നസ്വരങ്ങള്‍ ഒരു പക്ഷേ, അനിഷ്ടകരമാണെങ്കില്‍ കൂടി ലോകത്തെ മെച്ചപ്പെട്ടതും രസകരവുമാക്കി മാറ്റാന്‍ അവസരം നല്‍കുന്നതായിരിക്കും. ലോകത്തിന് അവരുടെ ഏതഭിപ്രായവും പങ്കുവയ്ക്കാന്‍ കഴിയുന്ന ഇടമാണ് ഫേസ്ബുക്ക്. ഓരോ രാജ്യത്തെയും നിയമത്തെ തങ്ങള്‍ മാനിക്കുമ്പോഴും ഒരു രാജ്യമോ ഒരു പറ്റം ആളുകളോ ഏകാധിപത്യനയങ്ങള്‍ പിന്തുടര്‍ന്ന് ഫേസ്ബുക്കില്‍ അധീശത്വം നേടാന്‍ അനുവദിക്കില്ല. ഇവിടെ ഒരു പറ്റം ഭീകരര്‍ അഭിപ്രായസ്വാതന്ത്ര്യത്തിന് തടയിട്ടുകൊണ്ട് ലോകത്തെ നിശ്ശബ്ദമാക്കാന്‍ ശ്രമിക്കുകയാണ്. അംഗങ്ങള്‍ക്ക് ഭയമില്ലാതെ സ്വതന്ത്രമായി സംസാരിക്കാനുള്ള ഇടമൊരുക്കിക്കൊണ്ടുള്ള സേവനം തുടര്‍ന്നും നല്‍കാന്‍ താന്‍ ബാദ്ധ്യസ്ഥനാണെന്ന് സുക്കര്‍ബര്‍ഗ് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha