കഴിഞ്ഞ വര്‍ഷത്തെ മികച്ച വാര്‍ത്താതാരമായി മഞ്ജു വാര്യരെ തെരഞ്ഞെടുത്തു. മനോരമ ന്യൂസ് സംഘടിപ്പിച്ച മനോരമ ന്യൂസ് ന്യൂസ് മേക്കര്‍ 2014 ലാണ് മഞ്ജു ഒന്നാമതെത്തിയത്. 

ഐഎസ്ആര്‍ഒ മുന്‍ ചെയര്‍മാന്‍ ഡോ.കെ.രാധാകൃഷ്ണന്‍, നടനും എം.പിയുമായ ഇന്നസെന്റ്, നടി മഞ്ജു വാര്യര്‍, ഹോക്കിതാരം പി.ആര്‍.ശ്രീജേഷ് എന്നിവരില്‍ ഏറ്റവും കൂടുതല്‍ പ്രേക്ഷക വോട്ടു നേടിയ വ്യക്തിയാണ് മഞ്ജു വാര്യര്‍. അഭിപ്രായ വോട്ടെടുപ്പില്‍ മഞ്ജു ഒന്നാമതെത്തി. വോട്ടെടുപ്പില്‍ അഞ്ച് ലക്ഷത്തിലേറെ ആളുകള്‍ പങ്കെടുത്തു. 
2014ന്റെ വാര്‍ത്താലോകത്ത് തലയുയര്‍ത്തി നിന്നവരായിരുന്നു ഈ നാലുപേര്‍. പ്രേക്ഷകരുടെ കൂടി അഭിപ്രായങ്ങള്‍ ശേഖരിച്ച് മനോരമ ന്യൂസ് എഡിറ്റോറിയല്‍ വിഭാഗം നിര്‍ദേശിച്ച പത്തുപേരില്‍ നിന്നാണ് നാലുപേരെ ഫൈനല്‍ റൗണ്ടിലേക്ക് തിരഞ്ഞെടുത്തത്. 
എസ്എംഎസ്, ഓണ്‍ലൈന്‍, ജിപിആര്‍എസ്, എന്നിവ മുഖേന നടന്ന വോട്ടിങ്ങില്‍ ഏറ്റവുമധികം വോട്ടുനേടിയ നാലുപേരെയാണ് അവസാന റൗണ്ടിലേക്ക് തിരഞ്ഞെടുത്തത്. ഈ നാലു പേരില്‍ യഥാര്‍ഥതാരത്തെ കണ്ടെത്താന്‍ ഒരുമാസം നീണ്ട വോട്ടിങ് ആയിരുന്നു നടന്നത്.